Shiwétsiyediki Uyghurlar roza héyt namizida wetinidiki musulmanlargha atap du'a qildi

Ixtiyariy muxbirmiz éhsan
2014-07-28
Élxet
Pikir
Share
Print
Shiwétsiyediki Uyghurlar roza héyt namizida wetinidiki musulmanlargha atap du'a qildi. 2014-Yili 28-iyul.
Shiwétsiyediki Uyghurlar roza héyt namizida wetinidiki musulmanlargha atap du'a qildi. 2014-Yili 28-iyul.
RFA/Ehsan

Shiwétsiyediki Uyghurlar pütün dunyadiki musulmanlar bilen bir künde 28-chésla etigende roza héyt namizini bir yerge jem bolup oqudi.

Shiwétsiyede yashawatqan Uyghurlar shiwétsiyede pa'aliyet qiliwatqan teklimakan islam medeniyet merkizining orunlashturushi bilen sitokholm shehiridiki rnkibiy rayonida bir meschitke Uyghurlarni jem bolup roza héyt namizini birge oqudi.

Teklimakan islam medeniyet merkizining orunlashturushi bilen 5 yildin buyan izchil halette shiwétsiyediki Uyghurlarni bir yerge jem qilip yilda kélidighan ikki héyt namizini birlikte oqup, tebriklep kéliwatqan bolup, shiwétsiyede yashawatqan 300din artuq a'ilining bir yerde jem bolup héyt namizini birge oqushi, shiwétsiyede yashawatqan Uyghurlarning öz ana tilida xutbe anglash, du'a qilish hemde bir-birining héytini tebrikleshtek shara'itlarni hazirlap, shiwétsiyediki Uyghurlarning yaxshi bahasigha ériship keldi.

Roza héyt namizigha teklimakan islam medeniyet merkizining mes'uli ömer mexsum imamliq qilghan bolup, ömer mexsum namaz xutibida sherqiy türkistanda her xil shekildiki cheklimilerge uchrash bilen birge, xitay da'iriliri teripidin sistémiliq yoqitishqa uchrawatqan Uyghur musulmanlargha ige chiqishning bash tartip bolmaydighan mejburiyet ikenlikini eskertti. U xutibini sherqiy türkistandiki musulmanlargha atap du'a bilen axirilashturdi.

Namazdin kéyin Uyghurlar bir-birining héytini qizghin tebrikleshti hemde öy-öyge kirip héyt petisi qildi. Ösmür balilargha héytliq sowgha tarqitip bérildi.

Ziyaritimizni qobul qilghan teklimakan islam medeniyet merkizi mes'uli ömer mexsum Uyghurlarning bir yerge jem bolup, héyt namizi oqushining ehmiyiti heqqide toxtaldi.

Héyt namizigha sitokholm we etrapida yashawatqan Uyghurlardin bolup köp sanda kishi qatnashti.

Toluq bet