Д у қ рәһбәрлири америка дипломатлири билән тор сөһбити елип барди

Ихтиярий мухбиримиз әкрәм
2020-11-10
Елхәт
Пикир
Share
Принт
Д у қ рәиси долқун әйса башчилиқидики қурултай рәһбәрлири америка ташқи ишлар министири майик помпийониң мәслиһәтчиси улрик брәһбул әпәндиниң тәклипи билән тор йиғини өткүзмәктә. 2020-Йили 9-ноябир, германийә.
Д у қ рәиси долқун әйса башчилиқидики қурултай рәһбәрлири америка ташқи ишлар министири майик помпийониң мәслиһәтчиси улрик брәһбул әпәндиниң тәклипи билән тор йиғини өткүзмәктә. 2020-Йили 9-ноябир, германийә.
RFA/Ekrem

Д у қ рәһбәрлири америка ташқи ишлар министирлиқиниң муһим әрбаблири билән уйғурлар мәсилиси тоғрисида сөһбәт елип барди.

9-Ноябир германийәгә хизмәт мунасивити билән кәлгән америка ташқи ишлар министирлиқи консуллар комитетиниң мудири, америка ташқи ишлар министири майик помпийониң мәслиһәтчиси улрик брәһбул әпәндиниң тәклипи билән д у қ рәиси долқун әйса башчилиқидики қурултай рәһбәрлири арисида тор сөһбити болуп өткән. Сөһбәт американиң берлиндики баш әлчиханиси билән мюнхендики консулханиси арисида елип берилған. Сөһбәткә американиң мюнхендики баш консули меган гирәгонс ханим қатарлиқларму иштирак қилған.

Д у қ рәиси долқун әйса әпәндиниң билдүрүшичә, бу қетимқи сөһбәттә шәрқий түркистанниң нөвәттики еғир вәзийити асаслиқ тема болған. Сөһбәт җәрянида әрәб, ислам дунясиниң сүкүтлири вә буни қандақ бузуш мәсилириму музакирә қилинған. Улрик брәһбул әпәнди сөзидә, америка һөкүмитиниң уйғурлар мәсилисигә давамлиқ игә чиқидиғанлиқини әскәртип өткән.

Бу қетимқи сөһбәттин америка ташқи ишлар министири майик помпиюниңму хәвири болған. Улрик брәһбул әпәнди сөһбәт хатимисидә майик помпийониң уйғурларға йоллиған салимини йәткүзгән. Долқун әйса әпәндиму уйғурларниң майик помпийони интайин яхши көридиғанлиқини ейтқан. Улрик брәһбул әпәнди болса «майик помпийому уйғурларни интайин яхши көриду» дәп җаваб бәргән.

Бу қетимқи тор сөһбитигә д у қ ниң программа йетәкчиси зумрәтайму қатнашқан болуп, у сөһбәтниң мол мәзмунлуқ, тәсирлик өткүзүлгәнликини тилға алди.

Мәлум болғинидәк, алдинқи бир һәптә американиң германийәдики баш әлчиханиси вә мюнхендики консулханиси бирликтә «уйғур һәптилики» паалийити өткүзгән болуп, тор сөһбити шәклидә өткүзүлгән бу паалийәтму әлчихана вә консулханиниң тор сәһиписи арқилиқ иҗтимаий таратқуларда кәң тарқилип яхши тәсир қозғиғаниди.

Пикирләр (0)
Share
Толуқ бәт