بەختىيار ئۆمەر: «ئەنگلىيەدىكى ئۇيغۇر سوت كوللېگىيەسىگە ياردەمدە بولىۋاتىمىز»

مۇخبىرىمىز مېھرىبان
2020-10-21
ئېلخەت
پىكىر
Share
پرىنت
نورۋېگىيە ئۇيغۇر كومىتېتىنىڭ رەئىسى بەختىيار ئۆمەر ئەپەندى(سولدا) سىتېۋانگېر شەھىرىدە خىتاي مەملىكەتلىك خەلق قۇرۇلتىيىنىڭ باشلىقى لى جيەنشۇغا قارشى ئېلىپ بېرىلغان نامايىشىدا يەرلىك قوللىغۇچىلار بىلەن. 2019-يىلى 17-ماي، نورۋېگىيە.
نورۋېگىيە ئۇيغۇر كومىتېتىنىڭ رەئىسى بەختىيار ئۆمەر ئەپەندى(سولدا) سىتېۋانگېر شەھىرىدە خىتاي مەملىكەتلىك خەلق قۇرۇلتىيىنىڭ باشلىقى لى جيەنشۇغا قارشى ئېلىپ بېرىلغان نامايىشىدا يەرلىك قوللىغۇچىلار بىلەن. 2019-يىلى 17-ماي، نورۋېگىيە.
RFA/Ekrem

2019-يىلى 7-ئاينىڭ 1-كۈنى قۇرۇلغان «نورۋېگىيە ئۇيغۇر ئەدلىيە ئارخىپى» نىڭ باشلىقى بەختىيار ئۆمەر ئەپەندى 20-ئۆكتەبىر كۈنى رادىيومىز زىيارىتىنى قوبۇل قىلىپ، ئۆزلىرىنىڭ ئەنگلىيەدىكى «ئۇيغۇر سوت كوللېگىيەسى» گە ماتېرىيال تەييارلاش خىزمىتىگە ياردەمدە بولىۋاتقانلىقىنى بىلدۈردى.

بەختىيار ئۆمەر ئەپەندى سۆزىدە مەزكۇر تەشكىلاتنىڭ لاگېرغا قامالغان ئۇيغۇرلار، ئۇيغۇرلارنىڭ مەجبۇرىي ئەمگەككە سېلىنىشى، پىلانلىق تۇغۇتقا مەجبۇرلىنىشى قاتارلىقلار ھەققىدە توپلانغان گۇۋاھلىق ۋە ئىسپات ماتېرىياللىرىنى قايتىدىن تۈرگە ئايرىش، تەرجىمە قىلىش، رەتلەش ئىشىنى جىددىي ئېلىپ بېرىۋاتقانلىقىنى بىلدۈردى.

بەختىيار ئۆمەر ئەپەندىنىڭ بىلدۈرۈشىچە، ئۆتكەن يەكشەنبە 18-ئۆكتەبىر ئېچىلغان «شەرقىي تۈركىستان تەشكىلاتلار مۇنبىرى» نىڭ ئايلىق يىغىنىدا، ئەنگلىيەدىكى «ئۇيغۇر سوت كوللېگىيەسى» گە تاپشۇرۇلىدىغان ماتېرىياللارنى تەييارلاش خىزمىتىنى «نورۋېگىيە ئۇيغۇر ئەدلىيە ئارخىپى» ئۈستىگە ئالغان.

ئۇنىڭ بىلدۈرۈشىچە، مەزكۇر تەشكىلات «ئۇيغۇر سوت كوللېگىيەسى» نىڭ تەلىپى بويىچە، تەشكىلاتلار ۋە شەخسلەر تەمىنلىگەن ئىسپات ماتېرىياللىرىنى رەتلەپ ئىستاتىستىكا قىلىش، قايتىدىن تۈرگە ئايرىش، ئىنگلىزچىغا تەرجىمە قىلىش قاتارلىق خىزمەتلەرنى قىلىدىكەن. 

بەختىيار ئەپەندىنىڭ بىلدۈرۈشىچە، ئۇلار نۆۋەتتە 2021-يىلى 4-ئايدا ئېچىش پىلانلانغان «ئۇيغۇر سوت كوللېگىيەسى» نىڭ 1-قېتىملىق ئاڭلاش سوتىغا سۇنۇش ئۈچۈن تەييارلىنىدىغان ماتېرىياللارنى، 2021-يىلى 1-ئايغا قەدەر تۈرلەرگە بولۇپ رەتلەش خىزمىتىنى ئېلىپ بېرىۋاتقان بولۇپ، گۇۋاھچىلارنىڭ مەخپىيەتلىكىنى قاتتىق ساقلاش تەلىپىگە ئۇيغۇن ھالدا بۇ خىزمەتنى «نورۋېگىيە ئۇيغۇر ئەدلىيە ئارخىپى» نىڭ خادىملىرى ئىشلەيدىكەن.

ئەمما تاللىنىپ چىققان ماتېرىياللارنى ئىنگىلىز تىلىغا تەرجىمە قىلىش خىزمىتىگە «ئامېرىكا ئۇيغۇر ئاكادېمىيەسى» شۇنداقلا تۈركىيە ۋە ياۋروپادىكى «ئۇيغۇر ئاكادېمىيەسى» يېقىندىن ھەمكارلىشىدىكەن. 

سۆھبەت ھەققىدىكى تېخىمۇ تولۇق تەپسىلاتلارنى يۇقۇرقى ئاۋاز ئۇلىنىشىدىن ئاڭلايسىلەر.

پىكىرلەر (0)
Share
تولۇق بەت