Фирқәт җәвдәт: «апамниң дегәнлири пүтүн аниларниң йүрәк сөзи» (2

Мухбиримиз ирадә
2019-12-17
Елхәт
Пикир
Share
Принт
Америкадики яш паалийәтчи фирқәт җәвдәт әпәнди CNN телевизийәсиниң дуня бойичә тонулған даңлиқ мухбири киристийна аманпор ханимниң соаллириға җаваб бәрмәктә. 2019-Йили 16-декабир.
Америкадики яш паалийәтчи фирқәт җәвдәт әпәнди CNN телевизийәсиниң дуня бойичә тонулған даңлиқ мухбири киристийна аманпор ханимниң соаллириға җаваб бәрмәктә. 2019-Йили 16-декабир.
cnn.com

9-Декабир күни «ню-йорк вақти» гезитидә америкадики яш паалийәтчи фирқәт җәвдәтниң ғулҗидики өйидә нәзәрбәндтә туруватқан аписи мунәввәр турсун билән өткүзүлгән сөһбәт асасида тәйярланған аваз программиси тарқитилғандин кейин күчлүк инкас қозғиди.

Биз фирқәт җәвдәт билән өткүзгән сөһбитимизниң алдинқи қисмида нуқтилиқ һалда «ню-йорк вақти» гезитидә униң аниси мунәввәр ханим билән өткүзүлгән сөһбәт елан қилинғандин кейин чәтәлләрдики кәң җамаәттин кәлгән инкаслар вә шундақла мунәввәр ханимниң өзиниң бу һәқтики инкаслири һәққидә тохталған идуқ. Фирқәт җәвдәт программидин кейин наһайити яхши инкаслар кәлгәнликини, нурғун кишиләрниң аписиниң сөзлиригә қайил болғанлиқини ейтқан вә «апамниң дегәнлири барлиқ аниларниң йүрәк сөзидур», дегәниди.

Фирқәт җәвдәтниң аниси мунәввәр турсун ханимниң ғулҗида туруп өзиниң кәчүрмишлири һәққидә бәргән баянати хәлқаралиқ ахбаратларниңму диққитини қозғиди. Нурғун нопузлуқ ахбарат васитилири бу һәқтә хәвәр тарқатти. 16-Декабир күни, CNN телевизийәсиниң дуня бойичә тонулған даңлиқ мухбири киристийна аманпор фирқәт җәвдәт билән мәхсус зиярәт елип барди. Фирқәт җәвдәт бу зиярәттиму уйғурларниң пүтүн бир милләт болуш сүпити билән учраватқан зулум һәққидә интайин күчлүк сөзләрни қилди.

Толуқ бәт