Японийә парламентида гуваһлиқ бериш йиғини өткүзүлди

Ихтиярий мухбиримиз әркин тарим
2019-09-30
Елхәт
Пикир
Share
Принт
японийә парламентида өткүзүлгән гуваһлиқ бериш йиғинидин көрүнүш. 2019-Йили 29-сентәбир.
Японийә парламентида өткүзүлгән гуваһлиқ бериш йиғинидин көрүнүш. 2019-Йили 29-сентәбир.
RFA/Erkin Tarim

Хитай һөкүмити дуняниң һәрқайси җайлирида хитай хәлқ җумһурийити қурулғанлиқиниң 70 йиллиқини хатириләватқан пәйттә японийә уйғур җәмийити японийә парламентида җаза лагерлири тоғрисида гуваһлиқ бериш паалийити өткүзгән.

Мәзкур паалийәттә японийәдә туруватқан 8 уйғур аилисиниң җаза лагерлириға ташланған яки хитайниң зиянкәшликигә учриған уруқ-туғқанлири тоғрисидики гуваһлиқи оқуп өтүлгән. Әхмәтҗан летип, абдукерим, хәлмәт розахун, исмаил, муһаррәм бақи, зөһрә, гүлистан вә сәйдуллаһ қатарлиқ 8 киши ата-ана вә уруқ-туғқанлири тоғрисида гуваһлиқ бәргән.

Японийә уйғур җәмийити тәрипидин өткүзүлгән гуваһлиқ бериш йиғиниға 5 парламент әзаси вә көп сандики мухбирлар иштирак қилған. Биз бу паалийәт тоғрисида тәпсилий мәлумат игиләш үчүн японийә уйғур җәмийитиниң рәиси илһам мәхмут вә гуваһлиқ бәргән уйғурлар билән телефон сөһбити елип бардуқ.

Илһам мәхмут әпәнди бу қетимқи гуваһлиқ бериш йиғининиң японийә парламентидә өткүзүлгән тунҗи қетимлиқ гуваһлиқ бериш паалийити икәнликини, бу паалийәтниң мувәппәқийәтлик өткәнликини баян қилди.

Илһам мәхмут әпәнди японийә парламентидә өткүзүлгән паалийәткә 5 парламент әзаси вә көп санда мухбир иштирак қилғанлиқини, парламент әзалириниң уйғурларни қоллайдиғанлиқини тәкитлигәнликини баян қилди.

Японийә уйғур җәмийитиниң башқуруш һәйәти әзаси сәйдуллаһ әпәнди чоң дадисидин башлап һазирғичә хитай компартийәсиниң зиянкәшликигә учриған уруқ-туғқанлири тоғрисида гуваһлиқ бәргәнликини, бундақ қилишидидики сәвәбниң хитайниң уйғурларға қарита ирқий қирғинчилиқ елип бериватқанлиқини ашкарилаш икәнликини илгири сүрди.

Уйғур паалийәтчи хәлмәт розахун шинҗаң университетиниң сабиқ мудири ташполат тейип тоғрисида гуваһлиқ бәргән болуп, у японийә һөкүмитини ташполат тейипқа игә чиқишқа чақирған.

30-Сентәбир японийә парламентида өткүзүлгән гуваһлиқ бериш йиғини 2 саәт давамлашқан болуп, йиғин ахирида парламент әзалири билән мухбирлар гуваһлиқ бәргүчиләрдин соаллар сориған. Хәлмәт розахун әпәнди соал-җаваб қисмида нуқтилиқ һалда уйғурларниң японийә һөкүмитидин күтидиған үмидлири тоғрисида тохталған. У, бу һәқтә тәпсилий мәлумат бәрди.

Пикирләр (0)
Share
Толуқ бәт