Түркийәдики уйғур режиссор абдурахман өз түрк тунҗи кино филимини рояпқа чиқарди

Мухбиримиз гүлчеһрә
2015-10-26
Елхәт
Пикир
Share
Принт

Йеқинқи күнләрдә, түркийәниң «анадоло агентлиқи», «т р т телевизийиси», «ахшам», «сабаһ» гезитлири қатарлиқ асаслиқ таратқулирида «уйғур режиссор түркийәдә тунҗи киносини ишлиди» дегән темида мәхсус хәвәр вә зиярәт филимлири тарқитилди. Дейиливатқан бу уйғур режиссор абдурахман уйғур өз түрк әпәнди түркийәгә йәрләшкинигә бәш йил болған бир яш режиссор, у 10 йил илгири уйғур елидин голландийәгә һиҗрәт қилип чиққан вә әрк телевизийиси торини тәсис қилип нурғун надир һөҗҗәтлик филимларни ишләп тарқитип, чәтәлләрдики уйғурларниң арисида алқишқа еришкән бир яш һәвәскар иди, нөвәттә у түркийәдә киночилиқ саһәсидики бир кәспий режиссор болуп йетилди. Йеқинда у, түркийә мәдәнийәт министирлиқиниң биваситә ярдими вә қоллиши билән режиссор вә филим ишлигүчилик вәзиписини үстигә елип баяз балина йәни (ақ кит) намлиқ кәспий һаятидики тунҗи кино филимини мувәппәқийәтлик рояпқа чиқарди. Мәзкур кино пат арида базарға селиниш вә хәлқаралиқ кино фестиваллириға қатнишиш алдида туриду.

Юқиридики аваз улинишидин мухбиримизниң яш режиссор абдурахман уйғур өзтүрк әпәнди билән өткүзгән сөһбитини аңлиғайсиләр.

Пикирләр (0)
Share
Толуқ бәт