Истанбулдики уйғурлар уйғур тили вә мәдәнийитигә әһмийәт бәрмәктә

Ихтиярий мухбиримиз арслан
2019-08-08
Елхәт
Пикир
Share
Принт
Шәрқий түркистан маарип вә һәмкарлиқ җәмийитиниң қармиқидики зәйтинбурну ата тил вә мәдәнийәт мәктипидә икки айлиқ мәхсус уйғур тили вә қуран өгиниш синипини пүттүрүш мурасимидин көрүнүш. 2019-Йили 8-авғуст, түркийә.
Шәрқий түркистан маарип вә һәмкарлиқ җәмийитиниң қармиқидики зәйтинбурну ата тил вә мәдәнийәт мәктипидә икки айлиқ мәхсус уйғур тили вә қуран өгиниш синипини пүттүрүш мурасимидин көрүнүш. 2019-Йили 8-авғуст, түркийә.
RFA/Arslan

Уйғур диярида хитайниң бесим сиясити түпәйли йоқитилиш хәвпигә дуч келиватқан уйғур тили вә мәдәнийити чәтәлләрдики уйғур җамаити тәрипидин җиддий әһмийәт берилмәктә.

8-Авғуст пәйшәнбә күни истанбулдики уйғур оқуғучиларниң ана тил мәктипидә оқуш пүттүрүш вә мукапатлаш мурасими өткүзүлди. Шәрқий түркистан маарип вә һәмкарлиқ җәмийитиниң қармиқидики зәйтинбурну ата тил вә мәдәнийәт мәктипидә язлиқ тәтил мунасивити билән оттура вә башланғуч мәктәпләрдә оқуватқан уйғур оқуғучиларға икки айлиқ мәхсус уйғур тили вә қуран өгиниш синипи ечилған иди.

Йеқинда бу оқуғучилар оқуш пүттүргән болуп, улар үчүн бүгүн мукапатлаш мурасими өткүзүлди. Мурасимда оқуғучиларни оқушқа риғбәтләндүрүп қизларға таҗ кийдүрүлди, оғулларға медал есилди. Оқуғучиларға йәнә мукапат сүпитидә һәр хил маддий буюмлар тарқитип берилди.

Мурасимда уйғур оқуғучилар, шеир декламатсийә қилиш, нахша орундаш дегәндәк һәр хил номурлар көрсәтти.

Қуран кәрим тилавити вә истиқлал маршини оқуш билән башланған мукапатлаш мурасимида уйғур мәктипиниң мудири хуршидә артиш сөз қилип, пәрзәнтлирини уйғур мәктипигә бәргән уйғур ата-аниларға рәһмәт ейтти. Шуниң билән биргә оқуғучиларниң икки айлиқ оқуш әһвали һәққидә мәлумат бәрди.

Мурасимда йәнә уйғур ана тил мәктипи вә униңда оқуватқан оқуғучиларниң паалийәтлири һәққидә «истиқлал» тор телевизийәси тәйярлиған һөҗҗәтлик филим көрситилди.

Мурасим җәрянида җамаәт әрбаби абдуқадир япчан сөз қилип, уйғурларниң зулумға баш әгмәйдиғанлиқини, балилар вә яшларниң вәтәнниң келәчики үчүн ярамлиқ әвладлардин болуши лазимлиқини тәкитләп өтти.

Пикирләр (0)
Share
Толуқ бәт