Istanbuldiki Uyghurlar Uyghur tili we medeniyitige ehmiyet bermekte

Ixtiyariy muxbirimiz arslan
2019-08-08
Élxet
Pikir
Share
Print
Sherqiy türkistan ma'arip we hemkarliq jem'iyitining qarmiqidiki zeytinburnu ata til we medeniyet mektipide ikki ayliq mexsus Uyghur tili we qur'an öginish sinipini püttürüsh murasimidin körünüsh. 2019-Yili 8-awghust, türkiye.
Sherqiy türkistan ma'arip we hemkarliq jem'iyitining qarmiqidiki zeytinburnu ata til we medeniyet mektipide ikki ayliq mexsus Uyghur tili we qur'an öginish sinipini püttürüsh murasimidin körünüsh. 2019-Yili 8-awghust, türkiye.
RFA/Arslan

Uyghur diyarida xitayning bésim siyasiti tüpeyli yoqitilish xewpige duch kéliwatqan Uyghur tili we medeniyiti chet'ellerdiki Uyghur jama'iti teripidin jiddiy ehmiyet bérilmekte.

8-Awghust peyshenbe küni istanbuldiki Uyghur oqughuchilarning ana til mektipide oqush püttürüsh we mukapatlash murasimi ötküzüldi. Sherqiy türkistan ma'arip we hemkarliq jem'iyitining qarmiqidiki zeytinburnu ata til we medeniyet mektipide yazliq tetil munasiwiti bilen ottura we bashlan'ghuch mekteplerde oquwatqan Uyghur oqughuchilargha ikki ayliq mexsus Uyghur tili we qur'an öginish sinipi échilghan idi.

Yéqinda bu oqughuchilar oqush püttürgen bolup, ular üchün bügün mukapatlash murasimi ötküzüldi. Murasimda oqughuchilarni oqushqa righbetlendürüp qizlargha taj kiydürüldi, oghullargha médal ésildi. Oqughuchilargha yene mukapat süpitide her xil maddiy buyumlar tarqitip bérildi.

Murasimda Uyghur oqughuchilar, shé'ir déklamatsiye qilish, naxsha orundash dégendek her xil nomurlar körsetti.

Qur'an kerim tilawiti we istiqlal marshini oqush bilen bashlan'ghan mukapatlash murasimida Uyghur mektipining mudiri xurshide artish söz qilip, perzentlirini Uyghur mektipige bergen Uyghur ata-anilargha rehmet éytti. Shuning bilen birge oqughuchilarning ikki ayliq oqush ehwali heqqide melumat berdi.

Murasimda yene Uyghur ana til mektipi we uningda oquwatqan oqughuchilarning pa'aliyetliri heqqide "Istiqlal" tor téléwiziyesi teyyarlighan höjjetlik filim körsitildi.

Murasim jeryanida jama'et erbabi abduqadir yapchan söz qilip, Uyghurlarning zulumgha bash egmeydighanliqini, balilar we yashlarning wetenning kélechiki üchün yaramliq ewladlardin bolushi lazimliqini tekitlep ötti.

Toluq bet