Лондондики «тйәнәнмен вәқәси»хатирә намайишиға уйғурларму қатнашти

Ихтиярий мухбиримиз әркин тарим
2018-06-05
Елхәт
Пикир
Share
Принт
Әнглийә пайтәхти лондон шәһиридә турушлуқ хитай әлчиханисиниң алдида өткүзүлгән намайиштин көрүнүш. 2018-Йили 3-июн.
Әнглийә пайтәхти лондон шәһиридә турушлуқ хитай әлчиханисиниң алдида өткүзүлгән намайиштин көрүнүш. 2018-Йили 3-июн.
RFA/Erkin Tarim

6-Айниң 3-күни әнглийә пайтәхти лондон шәһиридә турушлуқ хитай әлчиханисиниң алдида намайиш өткүзүлди.

4-Июн «тйәнәнмен вәқәси» ниң 29 йиллиқи хатирә күни мунасивити билән өткүзүлгән бу намайишқа уйғурлар билән демократ хитайлар қатнашқан болуп, намайишта әнглийә уйғур җәмийитиниң әзалири, уйғурларниң нөвәттики еғир вәзийити тоғрисидиму тәпсилий мәлумат бәргән. Биз паалийәт һәққидә техиму тәпсилий мәлумат игиләш үчүн әнглийә уйғур җәмийитиниң диний ишларға мәсул хадими кәрим зайир әпәнди вә әнглийә уйғур җәмийитиниң ташқи ишларға мәсул хадими рәһимә мәхмут ханимлар билән сөһбәт елип бардуқ.

Рәһимә мәхмут ханим бу һәқтә зияритимизни қобул қилип, әнглийә лондонда турушлуқ хитай әлчиханиси алдида өткүзүлгән намайишниң җәряни һәққидә тохталди.

Рәһимә мәхмут ханим 1989-йили 6-айниң 4-күни тйәнәнмен мәйданида йүз бәргән вәқәдә пәқәт хитайларла әмәс уйғурларниңму өлтүрүлгәнликини, шуңа һәм демократ хитайлар билән бирликтә тйәнәнмен вәқәсиниң 29 йиллиқини хатириләш һәмдә уйғурларниң нөвәттики еғир вәзийитини аңлитиш, хитайға болған наразилиқини ипадиләш үчүн намайишқа қатнашқанлиқини баян қилди.

Намайишчилар «тйәнәнмен вәқәсиниң һәқиқәтлири оттуриға қоюлсун, уйғурларға азадлиқ» дегәндәк шоарларниму товлиған. Рәһимә мәхмут ханим бу һәқтә мәлумат бәрди.

Әнглийә уйғур җәмийитиниң диний ишларға мәсул хадими кәрим зайир әпәнди хитайниң лондон әлчиханиси алдида өткүзүлгән намайишқа уйғурлардин сирт хитайларниң қатнашқанлиқини, хитайларниң «уйғурларға азадлиқ, шәрқий түркистанлиқларға әркинлик» дегән шоарларни товлиғанлиқини, мухбирларниң көплүкини баян қилди.

«Тйәнәнмен вәқәси» ниң 29 йиллиқ хатирә күни мунасивити билән лондондики хитай әлчиханиси алдида өткүзүлгән намайишта нуқтилиқ һалда уйғурларниң нөвәттә дучар болуватқан еғир бесим сиясәт оттуриға қоюлған. Кәрим зайир әпәнди бу һәқтә мәлумат бәрди.

Хитай һөкүмити 1989‏-йили 4‏-июн күни танка, броневикләр билән тйәнәнмен мәйданини игиләп ятқан оқуғучиларни бастурған. Хитай даирилири һазирға қәдәр шу қетимқи бастурушта зади қанчилик оқуғучиниң өлтүрүлгәнликини һечқачан елан қилип бақмиған. Кишилик һоқуқ тәшкилатлири шу қетимлиқ бастурушта бир қанчә йүздин бир қанчә миңғичә адәмниң өлтүрүлгәнликини пәрәз қилип кәлмәктә.

Тйәнәнмен вәқәсигә қатнашқан, бурундин тартип һәр йили лондонда өткүзүлгән намайишқа қатнишип келиватқан рәһимә мәхмут ханим мәзкур вәқәдә миңлиған кишиниң өлтүрүлгәнликини пәрәз қилидиғанлиқини баян қилди.

Дүшәнбә күни йәнә америка дөләт мәҗлисиниң хитай ишлири комитети, хәлқара кишилик һоқуқни көзитиш тәшкилати, дуня уйғур қурултийи қатарлиқ орган вә аммиви тәшкилатлар баянат елан қилип, мәзкур вәқәни хатирилиди.

Пикирләр (0)
Share
Толуқ бәт