Xitayning amérikidiki elchixanisi aldida "5-Féwral weqesi" ni xatirilesh namayishi ötküzüldi

Muxbirimiz eziz
2017-02-03
Élxet
Pikir
Share
Print
Amérika Uyghur birleshmisining teshkillishi bilen washin'gton shehiridiki xitay elchixanisi aldida ötküzülgen namayishtin bir körünüsh
Amérika Uyghur birleshmisining teshkillishi bilen washin'gton shehiridiki xitay elchixanisi aldida ötküzülgen namayishtin bir körünüsh
RFA/Eziz

Buningdin 20 yil ilgiri, yeni 1997-yili 5-féwralda ghuljidiki milletperwer Uyghur yashlar xitay da'irilirining bir qisim diniy zatlarni sewebsiz qolgha élishi hemde Uyghurlardiki en'eniwi "Meshrep" pa'aliyitini cheklishige qarshi tinchliq namayishi teshkilligen idi. Halbuki, shu qétimqi namayish xitay qoralliq küchliri teripidin qattiq basturuldi hemde nurghun kishi qolgha élindi.
amerika-5-fewral-namayish-2017-3.jpg
Xitay hökümet da'iriliri "Namayishni bir yaqliq qilish jeryanida 11 kishi öldi" dep élan qilghan bolsimu, shu ishlargha shahit bolghanlar shu qétimqi weqede yüzdin artuq kishining öltürülgenlikini algha süridu. Shuningdin étibaren muhajirettiki Uyghurlar, jümlidin amérikidiki Uyghur jama'iti izchil halda her yili türlük pa'aliyetler arqiliq "5-Féwral weqesi" ni xatirilep kelmekte. Bu yilmu amérika Uyghur birleshmisining teshkillishi bilen washin'gton shehiri, wirjiniye shitati we bashqa qoshna shitatlardin kelgen Uyghurlar washin'gton shehiridiki xitay elchixanisi aldigha jem bolup shu qétimqi tinchliq namayishida hayatidin ayrilghanlargha matem bildürdi, shuning bilen birge, xitay hakimiyitining diktatorluqigha bolghan ghezep-nepritini ipadilidi.

Emdi diqqitinglar, muxbirimiz ezizning namayish neq meydanidin bergen melumatlirida bolsun.

Toluq bet