D u q re'isi rabiye qadir xanim ispaniyening barsélona sheher bashliqi bilen körüshti

Ixtiyariy muxbirimiz erkin tarim
2016-09-28
Élxet
Pikir
Share
Print
D u q re'isi rabiye qadir xanim barsélona sheher bashliqi mersé sonésa i pages (Merce Conesa I Pages) xanim bilen körüshti. 2016-Yili 27-séntebir, ispaniye.
D u q re'isi rabiye qadir xanim barsélona sheher bashliqi mersé sonésa i pages (Merce Conesa I Pages) xanim bilen körüshti. 2016-Yili 27-séntebir, ispaniye.
RFA/Erkin Tarim

Dunya Uyghur qurultiyi re'isi rabiye qadir xanim 27-öktebir küni ispaniyening barsélona sheher bashliqi mersé sonésa i pages (Merce Conesa I Pages) xanim we sheherlik hökümetning rehberlik hey'iti bilen körüshüp, Uyghurlarning weziyiti heqqide melumat bérish bilen birge, muxbirlarni kütüwélish yighini chaqirip, Uyghurlarning hazirqi omumiy weziyiti toghrisida melumat bergen. Chüshtin kéyin bu pa'aliyetke qatnishiwatqan latin amérikisi, iraq, süriye we pelestin qatarliq döletlerdin kelgen insan hoquqliri pa'aliyetchiliri bilen birlikte barsélona yéqinidiki santatalamo shehirige bérip, sheher idare hey'iti bilenmu körüshken. Sheherlik hökümetning yighin zalida élip bérilghan uchrishishta rabiye qadir xanim söz qilip, yighin'gha ishtirak qilghan sheherlik hökümetning her derijilik kadirlirigha we insan heqliri teshkilati mes'ullirigha Uyghurlarning hazirqi weziyiti, xitayning Uyghurlargha élip bériwatqan, künsayin éshiwatqan bésim siyasiti toghrisida melumat bergen.

D u q re'isi rabiye qadir xanim we mu'awin re'is ömer qanatning éytishiche "Kishilik hoquqni qoghdaydighan sheherler" mawzuluq pa'aliyetni ispaniyening kataloniye ölkisidiki 14 sheher we kishilik hoquqini qoghdash teshkilatliri uyushturghan. Bu 4-qétimliq yighin bolup, Uyghurlar tunji qétim teklip qilin'ghan.

Dunya Uyghur qurultiyi re'isi rabiye qadir xanim bergen melumatlargha asaslan'ghanda, Uyghurlarni teklip qilishtiki meqsiti, Uyghur mesilisini kataloniye xelqige anglitish, Uyghurlargha hésdashliq qilidighan ammiwi teshkilatlarni téximu köpeytishtin ibaret iken.

Rabiye qadir xanim bizge pa'aliyetliri heqqide tepsiliy melumat bergendin sirt, özi ispaniyede qatnishiwatqan bu pa'aliyetning ehmiyitining zor ikenlikini tekitlidi.

Ömer qanat ependi, radi'omizgha bergen melumatida, kataloniyening ispaniyedin ayrilip chiqip musteqil bolushni telep qiliwatqan bir rayon ikenlikini, sheher bashliqlirining Uyghurlarning dewasini heqqaniy bir dewa dep qaraydighanliqini tekitlidi.

"Kishilik hoquqni qoghdaydighan sheherler" pa'aliyiti ispaniyening kataloniye ölkisidiki 14 sheherde ötküzülidighan bolup, 14 sheherde Uyghur mesilisi anglitilidiken.

Yuqiridiki awaz ulinishidin, dunya Uyghur qurultiyi re'isi rabiye qadir xanim we mu'awin re'isi ömer qanatning ispaniyede turup bergen melumatining tepsilatini anglighaysiler.

Toluq bet