Ғайиб ниҗат қурбан һәққидә ашкариланған, әмма испатланмиған сирлиқ өлүм хәвири

Мухбиримиз шөһрәт һошур
2014-06-18
Елхәт
Пикир
Share
Принт
Уйғур сиясий мәһбус көләңгиси.
Уйғур сиясий мәһбус көләңгиси.
File

5-Июл вәқәсиниң 5 йиллиқ хатирә күни йеқинлашмақта; әмма, хитай һөкүмити 5-июл ғайиблириниң ақивитини йәнила сир тутмақта. Мухбиримизниң ғайиблар һәққидики йеқинқи ениқлашлири давамида, ғайиб ниҗат қурбанниң шисән түрмисидә өлтүрүлгәнликигә аит тасадипий ашкариланған, әмма техи испатланмиған өлүм хәвири оттуриға чиқти. Шу йилниң ахирқи айлири, шисән түрмисидә ишләйдиған бир хадим, атуш иштачилиқ 22 яшлиқ бир балиниң түрмидә һәқсиз һалда өлтүрүлгәнликини бир йеқин достиға һәсрәтләнгән һалда баян қилған. Униң у йеқин дости бу әһвални үрүмчидә тонушлар ара бир сорунда ейтип бәргән. Бу сорунда дәл шу атуш иштачидин ғайиб оғли ниҗатни издәп кәлгән қурбанахун акиму бар болуп, у бу учурни аңлиғандин кейин, һөңрәп йиғлиғиничә орнидин қопуп кәткән вә үрүмчидин йенип кәлгән. Шум хәвәрниң зәрбисидин шу күни немә қиларини биләлмигән қурбанахун ака, 5 күндин кейин үрүмчигә қайта йолға чиққан, әмма юқириқи шум хәвәрниң раст-ялғанлиқи һәққидә та һазирғичә даириләрдин рәсмий учурға еришәлмигән.

Юқиридики аваз улиниши арқилиқ, бу әһвални ғайиб ниҗат қурбанниң дадисиниң өз еғизидин аңлайсиләр.

Пикирләр (0)
Share
Толуқ бәт