Guma bomba partlitish weqesi gumandarliridin 3 nepirining isimliri ashkarilandi

Muxbirimiz shöhret hoshur
2016-09-29
Élxet
Pikir
Share
Print
"Térrorchilar" ni tutushta töhpe qoshqanlarni mukapatlash yighinida amanliqni qoghdawatqan qoralliq küchler. 2014-Yili 3-awghust, xoten.
"Térrorchilar" ni tutushta töhpe qoshqanlarni mukapatlash yighinida amanliqni qoghdawatqan qoralliq küchler. 2014-Yili 3-awghust, xoten.
AFP

Xelq'ara kechürüm teshkilati guma nahiyiside 10-séntebir küni yüz bergen bomba partlitish weqesi heqqide bayanat élan qilip, xitayni weqening tepsilatini ashkarilash we gumandarlarni adil sotlashqa chaqirghan bolsimu, xitay tereptin bügün'ge qeder bu heqte héchqandaq sada chiqmidi. Emma radiyomiz weqening tepsilati, bolupmu gumandarlarning kimliki we aqiwiti heqqidiki éniqlishini dawamlashturmaqta.

Muxbirimizning bügünki éniqlishidin melum bolushiche, gumandarlardin köktérek yézisigha tewe bolghanlar mexmut, memtimin we ablet qatarliq 4 kishi bolup, ular 23-kentning qum'ériq mehellisidin iken. Xitay terep bularni tutushqa yardemleshkenlerning aldigha 300-400 ming yüen, arqisigha 20-30 ming yüen söyünche béridighanliqini élan qilghan.

Ötken hepte éniqlash élip barghinimizda, weqege chétishliq omumiy gumandarlar sanining 10 neper ikenliki, bularning köp qismining köktérektin bashqa yézilardin ikenliki ashkarilan'ghan.

Hazirgha qeder köktéreklik gumandarlardin 3 nepiri tutulghan, yene bir nepiri izdelmekte. Emma köktérektin bashqa yézilardiki gumandarlarning aqiwiti hazirche melum emes. Dunya Uyghur qurultiyi ötken hepte bu heqtiki bir bayanatida, weqege chétishliq dep qaralghan az dégende 17 kishining tutulghanliqini élan qilghan.

Toluq bet