Шиветсийәдә ислам бирлики йиғинида шәрқий түркистан мәсилиси аңлитилди

Ихтиярий мухбиримиз еһсан
2014-12-26
Елхәт
Пикир
Share
Принт
Шиветсийәдә ислам бирлики йиғинида 24 йилдин буян түрмидә йетиватқан диний зиялий абдулкәрим абдувәлиниң әһвали тонуштурулди. 2014-Йили 26-декабир, шиветсийә.
Шиветсийәдә ислам бирлики йиғинида 24 йилдин буян түрмидә йетиватқан диний зиялий абдулкәрим абдувәлиниң әһвали тонуштурулди. 2014-Йили 26-декабир, шиветсийә.
RFA/Éhsan

Шималий явропа ислам бирлики «рабит әл ислам» ниң һәр йили декабир ейида өткүзүлүватқан хәлқаралиқ ислам қурултийиниң 34-нөвәтлик йиғини 25-декабир күни ситокһолмниң оса толуқ оттура мәктипиниң йиғин залида рәсмий башланди.

Шималий явропа ислам бирликиниң 25-декабирдин 27-декабирғичә өткүзүлидиған 34-нөвәтлик йиғиниға, шиветсийәдә паалийәт қиливатқан уйғур маарип уюшмиси билән тәклимакан ислам мәдәнийәт мәркизиму тәклип билән қатнашти.

Бу қетимқи қурултайғиму илгирикигә охшашла дуняда тонулған ислам алимлири тәклип қилинған болуп, һәр йили охшимиған темида лексийә вә муназириләр өткүзүлүп кәлмәктә, бу қетимқи йиғин «мусулманларниң җәмийәттики роли» дегән темида елип берилмақчи.

Йиғин көргәзмә залида уйғурларғиму орун берилгән болуп, уйғур маарип уюшмиси йиғин қатнашқучилириға тәшвиқ қилиш үчүн бу орунға дуня уйғур қурултийиниң рәиси рабийә қадир ханим тонуштурулған «әҗдиһа билән елишқан аял» намлиқ китабниң шиветчиси, шәрқий түркистан һазирқи вәзийити тонуштурулған тәшвиқат вариқи, шәрқий түркистан байриқи чүшүрүлгән шарпа, уйғурчә-шиветчә луғәт, 24йилдин буян түрмидә йетиватқан диний зиялий абдулкәрим абдувәлиниң әһвали қатарлиқларни тәйярлиди.

Бу қетимлиқ йиғинниң әһвалидин тәпсилий мәлумат елиш үчүн, уйғур маарип уюшмисиниң муавин рәиси ниҗат турғунни зиярәт қилдуқ.

Пикирләр (0)
Share
Толуқ бәт