Әнқәрәдики хитай әлчиханиси алдида наразилиқ намайиши өткүзүлди

Ихтиярий мухбиримиз әркин тарим
2013-07-01
Елхәт
Пикир
Share
Принт
Турпан лүкчүн вәқәсидә хитайниң қаттиқ қол бастурушиға наразилиқ билдүрүш мәқситидә, хитайниң әнқәрәдә турушлуқ әлчиханиси алдида хайруллаһ әфәндигил әпәнди баянат елан қилмақта. 2013-Йили 29-июн, әнқәрә.
Турпан лүкчүн вәқәсидә хитайниң қаттиқ қол бастурушиға наразилиқ билдүрүш мәқситидә, хитайниң әнқәрәдә турушлуқ әлчиханиси алдида хайруллаһ әфәндигил әпәнди баянат елан қилмақта. 2013-Йили 29-июн, әнқәрә.
RFA/Erkin Tarim

Хитайниң лүкчүн вәқәсини қаттиқ қол бастурушиға наразилиқ билдүрүш мәқсити билән 29-июн күни хитайниң әнқәрәдә турушлуқ әлчиханисиниң ишикигә қара гүлчәмбирәк қоюлуп, мәтбуат баянати елан қилинди.

Хитай әлчиханисиниң алдиға қара гүлчәмбирәк қойғандин кейин мухбирларға баянат бәргән түркийә кадирлар уюшмиси башлиқи исмаил қонҗуқ әпәнди түркийә һөкүмитини уйғурларға игә чиқишқа чақирди. Түркийә һөкүмитиниң балдуррақ хитайниң шәрқий түркистандики уйғурларға елип бериватқан бесим сияситини тохтитиши үчүн хитай һөкүмити билән сөһбәт елип беришқа чақирди.

Кейин д у қ мусапирлар комитети мудири, шәрқий түркистан мәдәнийәт вә һәмкарлиқ җәмийити рәиси хәйруллаһ әфәндигил әпәнди 26-июн күни лүкчүндә мәйданға кәлгән вәқә тоғрисида мәлумат бәрди:
-Хитай хәвәр агентлиқлири хәвәрлиридә 27 кишиниң һаятидин җуда болғанлиқини елан қилған болсиму, биз игилигән мәлуматларға асасланғанда, көп санда инсан һаятидин айрилған, вәқәдин кейин хитай җамаәт хәвпсизлик хадимлири көп санда инсанни тутқун қилған. Бу вәқәдин хитайниң уйғурларға елип бериватқан зулуминиң қанчилик еғир икәнликини көрүвалалаймиз. Биз хитайни инсанлиқ қелипидин чиққан бесим сияситини тохтитишқа, түркийә һөкүмитини уйғурларға игә чиқишқа чақиримиз.

Бу паалийәтни шәрқий түркистан мәдәнийәт вә һәмкарлиқ җәмийити әнқәрә шөбә башлиқи хәйруллаһ әфәндигил әпәнди, 450 миң әзаси бар түркийә кадирлар уюшмиси вә ирақ түркмәнлири җәмийити ортақ уюштурған болуп, 100 әтрапида киши қатнашқан намайишта 25-июн күни шималий ирақниң тузһурматуда 5 түркмәнниң өлтүрүлгәнликиму әйибләнди.

Төвәндә бу намайиш тоғрисида техиму көп мәлумат игиләш үчүн хәйруллаһ әфәндигил әпәндигә микрофонимизни узаттуқ.

Тәпсилатини юқиридики аваз улинишидин аңлиғайсиләр.

Пикирләр (0)
Share
Толуқ бәт