Enqerediki xitay elchixanisi aldida naraziliq namayishi ötküzüldi

Ixtiyariy muxbirimiz erkin tarim
2013-07-01
Élxet
Pikir
Share
Print
Turpan lükchün weqeside xitayning qattiq qol basturushigha naraziliq bildürüsh meqsitide, xitayning enqerede turushluq elchixanisi aldida xayrullah efendigil ependi bayanat élan qilmaqta. 2013-Yili 29-iyun, enqere.
Turpan lükchün weqeside xitayning qattiq qol basturushigha naraziliq bildürüsh meqsitide, xitayning enqerede turushluq elchixanisi aldida xayrullah efendigil ependi bayanat élan qilmaqta. 2013-Yili 29-iyun, enqere.
RFA/Erkin Tarim

Xitayning lükchün weqesini qattiq qol basturushigha naraziliq bildürüsh meqsiti bilen 29-iyun küni xitayning enqerede turushluq elchixanisining ishikige qara gülchembirek qoyulup, metbu'at bayanati élan qilindi.

Xitay elchixanisining aldigha qara gülchembirek qoyghandin kéyin muxbirlargha bayanat bergen türkiye kadirlar uyushmisi bashliqi isma'il qonjuq ependi türkiye hökümitini Uyghurlargha ige chiqishqa chaqirdi. Türkiye hökümitining baldurraq xitayning sherqiy türkistandiki Uyghurlargha élip bériwatqan bésim siyasitini toxtitishi üchün xitay hökümiti bilen söhbet élip bérishqa chaqirdi.

Kéyin d u q musapirlar komitéti mudiri, sherqiy türkistan medeniyet we hemkarliq jem'iyiti re'isi xeyrullah efendigil ependi 26-iyun küni lükchünde meydan'gha kelgen weqe toghrisida melumat berdi:
-Xitay xewer agéntliqliri xewerliride 27 kishining hayatidin juda bolghanliqini élan qilghan bolsimu, biz igiligen melumatlargha asaslan'ghanda, köp sanda insan hayatidin ayrilghan, weqedin kéyin xitay jama'et xewpsizlik xadimliri köp sanda insanni tutqun qilghan. Bu weqedin xitayning Uyghurlargha élip bériwatqan zulumining qanchilik éghir ikenlikini körüwalalaymiz. Biz xitayni insanliq qélipidin chiqqan bésim siyasitini toxtitishqa, türkiye hökümitini Uyghurlargha ige chiqishqa chaqirimiz.

Bu pa'aliyetni sherqiy türkistan medeniyet we hemkarliq jem'iyiti enqere shöbe bashliqi xeyrullah efendigil ependi, 450 ming ezasi bar türkiye kadirlar uyushmisi we iraq türkmenliri jem'iyiti ortaq uyushturghan bolup, 100 etrapida kishi qatnashqan namayishta 25-iyun küni shimaliy iraqning tuzhurmatuda 5 türkmenning öltürülgenlikimu eyiblendi.

Töwende bu namayish toghrisida téximu köp melumat igilesh üchün xeyrullah efendigil ependige mikrofonimizni uzattuq.

Tepsilatini yuqiridiki awaz ulinishidin anglighaysiler.

Toluq bet