Гумида аһалиләр күндүзи норуз өткүзүп, кечиси мәсилә тапшурған

Мухбиримиз шөһрәт һошур
2017-03-21
Елхәт
Пикир
Share
Принт
Хотән вилайәтлик һөкүмәт «террорлуқ, зораванлиқ» қа даир йип учи билән тәминлигәнләрни 5 милйон сомғичә мукапатлайдиғанлиқини җакарлаш йиғини. 2017-Йили 22-феврал.
Хотән вилайәтлик һөкүмәт «террорлуқ, зораванлиқ» қа даир йип учи билән тәминлигәнләрни 5 милйон сомғичә мукапатлайдиғанлиқини җакарлаш йиғини. 2017-Йили 22-феврал.
ts.cn


Бүгүн хитайниң тәңритағ торида гума наһийисиниң чявда йезисида 4000 кишилик норуз өткүзүлгәнлики хәвәр қилинди. Мухбиримизниң ениқлишичә, чявдадикиси гумида өткүзүлгән норуз паалийитиниң кичикрәки болуп, униңдинму каттиси гуманиң пиялима йезисида өткүзүлгән. Әмма, пиялимада шу күни кәчтә мәсилә тапшуруш йиғиниму давамлиқ һалда өткүзүлүп, кишиләр аталмиш хаталиқлирини паш қилишқа қисталған. Мәлум болушичә, норуз катта өткүзүлгән пиялима йезсида нөвәттә 150 чә киши мәсилисини чала тапшурғанлиқи үчүн қамақта тутулмақта.

Һөрмәтлик радийо аңлиғучилар, мәлумки гума наһийиси йеқинқи йиллардин бери миллий қаршилиқ һәрикәтлириниң қетим сани вә шиддити җәһәттә уйғур райони бойичә алдинқи орунда туруп кәлди. Шуңа даириләр 2014-йили башланған қаттиқ зәрбә бериш долқунидиму, бу йил башланған мәсилә тапшуруш һәрикитидиму гумини муһим нуқта қилди. Хитай ахбаратидин мәлум болушичә, бирқанчә йилдин бери, қаттиқ зәрбә бериш һәрикити вәһимилик давам қилған гума наһийисидә бу йил норузму дағдуғилиқ өткән, әмма охшаш күндә мәсилә тапшуруш һәрикитиму тохтимиған. Гумидики секритар вә сақчи хадимлириниң гуминиң норуз кунидики вәзийити һәққидики баянлири бу нуқтини юрутуп бәрмәктә.

Мәлум болушичә, гуминиң пиялима йезиси 7 кәнттин тәшкилләнгән болуп, нопуси 12 миң әтрапида. юқирида ашкарилинишичә, пиялимадики, 1400 нопусқа игә 3-кәнттин 18 киши мәсилисини чала тапшурғанлиқи үчүн қамақта. Муһаҗирәттики уйғур көзәткүчиләр, бу санлиқ мәлумат вә гуманиң наһийисиниң сиясий вәзийитигә асасән, аталмиш мәсилиини чала тапшуруш сәвәблик, пиялима йезисида 150чә кишиниң, гума наһийиси бойичә миңларчә кишиниң қамақта икәнликини пәрәз қилишмақта. Әмма, гумидики норузни дағдуғилиқ хәвәр қилған хитай даирилири, бу мәсилә тапшуруш һәрикити һәққидә һазирғичә һечқандақ учур бәрмиди.

Пикирләр (0)
Share
Толуқ бәт