Д у қ муавин рәиси башчилиқидики һәйәт норвегийә парламентида «җаза лагерлири» мәсилисини аңлатти

Ихтиярий мухбиримиз әркин тарим
2018-08-31
Елхәт
Пикир
Share
Принт
Һаҗәтәпә университети оқутқучиси доктор әркин әкрәм «америка-хитай мунасивити вә уйғур мәсилиси» темидики йиғинда лексийә бәрмәктә. 2015-Йили 9-өктәбир, түркийә.
Һаҗәтәпә университети оқутқучиси доктор әркин әкрәм «америка-хитай мунасивити вә уйғур мәсилиси» темидики йиғинда лексийә бәрмәктә. 2015-Йили 9-өктәбир, түркийә.
RFA/Arslan

Мәлум болушичә, норвегийә парламентиниң ташқи ишлар комитети вә дөләт мудапиә комитетиниң юқири дәриҗилик әмәлдарлириниң хитай зиярити 28-авғуст башланған болуп, хитай зиярити давамлишиватқан бүгүнки күндә норвегийә парламентидики бәзи парламент әзалириниң мәслиһәтчилири норвегийә парламент бинасида дуня уйғур қурултийи муавин рәиси доктор әркин әкрәм, норвегийә уйғур комитети әзалиридин комитет рәиси бәхтияр өмәр, комитет катипи адилҗан абдуреһим вә хәлчәм мәмтимин қатарлиқ кишиләр билән көрүшүп, нөвәттики уйғур вәзийити һәққидә мәлумат алған.

Норвегийә уйғур комитетиниң рәиси бәхтияр әпәндиниң радийомизға билдүрүшичә, д у қ муавин рәиси доктор әркин әкрәм вә норвегийә уйғур комитетиниң башқуруш һәйити әзалири, норвегийә парламентидики бәзи сиясий партийәләрниң парламент әзалириниң мәслиһәтчилири билән учришип, уларға уйғур дияридики җаза лагерлириға қамалған уйғурлар тоғрисида, шундақла уйғурларниң нөвәттики еғир вәзийити тоғрисида мәлумат бәргән. У, бу бу һәқтә тохталди. 

Бәхтияр әпәнди норвегийә парламенти зиярити җәрянида һәйәтниң норвегийәниң 200 йиллиқ демократийигә өтүш тарихи тоғрисидиму мәлумат игилигәнликини баян қилди. 

Норвегийә уйғур комитети бир қанчә айдин бери арқа-арқидин норвегийә парламентидики партийәләрниң рәһбәрлири, парламент әзалири билән учрашқан. Бәхтияр әпәнди бу қетимқи учришишму шундақ учришишларниң бири икәнликини, учришишниң утуқлуқ өткәнликини тәкитлиди.

Норвегийә уйғур комитетиниң башқуруш һәйити әзаси хәлчәм мәмтимин ханим комитетниң тиришчанлиқи билән норвегийә парламент әзалири билән өткән һәптиму учрашқанлиқини, бундин кейинму давамлиқ учришип уйғурларниң җаза лагерлири тоғрисидиму давамлиқ мәлумат берип туридиғанлиқини баян қилди. 

Доктор әркин әкрәм әпәнди бу қетим норвегийә уйғур комитетиниң тәклипигә бинаән норвегийәгә кәлгән болуп, алдимиздики күнләрдә норвегийәдә доклат беридикән. Телефон зияритимизни қобул қилған доктор әркин әкрәм әпәнди, норвегийә парламентидики учришишлардин норвегийә уйғур комитетиниң хизмәтлириниң мувәппәқийәтлик өтүватқанлиқини көрүвалғили болидиғанлиқини тилға алди.

Доктор әркин әкрәм әпәнди алдимиздики айларда дуня уйғур қурултийи рәһбәрлириниң йеқинда норвегийә парламентиға зиярәт елип берип, бир йүрүш учришишларни елип баридиғанлиқини билдүрди.

Пикирләр (0)
Share
Толуқ бәт