Shwétsiyidiki Uyghurlar we ezerbeyjan teshkilatliri birlikte pa'aliyet élip barmaqta

Ixtiyariy muxbirimiz qutlan
2013-02-28
Élxet
Pikir
Share
Print
Xojali qirghinchiliqining 21 yilliqi munasiwiti bilen ezerbeyjan we Uyghur teshkilatliri birlikte namayish ötküzdi. 2013-Yil 23-féwral, shwétsiye.
Xojali qirghinchiliqining 21 yilliqi munasiwiti bilen ezerbeyjan we Uyghur teshkilatliri birlikte namayish ötküzdi. 2013-Yil 23-féwral, shwétsiye.
RFA/Qutlan

Yéqinqi yillardin buyan, shimaliy yawropadiki döletlerde, bolupmu shwétsiyide pa'aliyet élip bériwatqan Uyghur teshkilatlirining muhajirettiki ezerbeyjan topluqliri bilen bolghan qoyuq alaqiliri we milliy hemkarliqi yildin-yilgha kücheymekte.

Qérindash ezerbeyjan xelqining, bolupmu iranning kontrolluqida turuwatqan jenubiy ezerbeyjan xelqining nöwettiki ijtima'iy ré'alliqi ularni öz kélechiki üchün kürishiwatqan muhajirettiki Uyghur jama'etchiliki bilen yéqinlashturmaqta.

Ötken heptidin buyan shwétsiyidiki qérindash ezerbeyjan topluqliri we ammiwi teshkilatlirining pa'aliyetliri janlinish weziyitini berpa qilghan. 1992-Yilidiki ezerbeyjan bilen erminiye otturisidiki toqunushta, ermen armiyisi teripidin ezerbeyjanning xojali we qarabagh wilayetliride yürgüzülgen qanliq qirghinchiliq xatirilen'gen. Xojali qirghinchiliqining 21 yilliqi munasiwiti bilen stokholmdiki ezerbeyjan we türk birlikliri, shwétsiye-ezerbeyjan dostluq guruppisi hemde shwétsiye Uyghur ma'arip uyushmisi qatarliq teshkilatlar birlikte stokholmda namayish uyushturghan. 26-Féwral kechqurun stokholmda ezerbeyjan fédiratsiyonining teshkillishi bilen yighin chaqirilghan. Yighinda ezerbeyjan parlaméntidin wekil bolup kelgen ikki neper parlamént ezasi buningdin 21-yil burunqi xojali qirghinchiliqi toghriliq yighin qatnashchilirigha bayanat bergen.

Mezkur yighin'gha qatnashqan shwétsiye Uyghur ma'arip uyushmisining mes'ulliridin exmetjan tursun ependi söz qilip, Uyghur xelqining ezerbeyjanlar bilen qérindash xelq bolush süpiti bilen xojali qirghinchiliqida hayatidin ayrilghan we xaniweyran bolghan ezerbeyjan xelqige chongqur hésdashliq qilidighanliqini bildürgen. Shuning bilen birge Uyghur xelqiningmu xitay da'iriliri teripidin yürgüzülgen milliy zulum ichide yashawatqanliqini bayan qilip ötken. Axirida u ezerbeyjan parlamént ezaliridin 2009-yili "5-Iyul ürümchi qirghinchiliqi" yüz bergende ezerbeyjan hökümitining néme üchün héchqandaq inkas qayturmighanliqi hemde bu qetli'amgha qattiq naraziliqi bildürgen türkiyini yalghuz qaldurghanliqining sewebini chüshendürüp bérishni telep qilghan. Epsus, ezerbeyjan parlaméntining wekilliri bu so'algha jawab bérelmigen hemde yighin qatnashchiliri aldida éniq ipade bildürüshtin özini tartqan. Emma yighindin kéyin Uyghur wekiller bilen ötküzgen shexsiy söhbette özlirining dindash we qérindash xelq bolush süpiti bilen Uyghurlargha chongqur hésdashliq qilidighanliqini bildürgen.

Biz bu heqte tepsiliy melumat élish üchün exmetjan tursun ependi bilen söhbet élip barduq.

Tepsilatini awaz ulinishidin anglighaysiz.

Toluq bet