Қайтурулуш хәвпидики уйғур: чәтәлгә чиқиш алдидикиләр бәлни чиң бағлисун

Икки һәптә илгири голландийидин қайтурулуш хәвпигә дуч кәлгән уйғур панаһланғучи радиомиз зияритини қобул қилип, өз кәчмишлири һәққидә тохталди. У йәнә, чәтәлгә чиқиш алдидики уйғурларни бәлни чиң бағлашқа чақирди.
Ихтиярий мухбиримиз пидаий
2013-01-23
Елхәт
Пикир
Share
Принт
Панаһлиқ илтимаси рәт қилинған уйғур абдулфаруқ рабийә қадир ханим билән. 2012-Йили 21-сентәбир, голландийә.
Панаһлиқ илтимаси рәт қилинған уйғур абдулфаруқ рабийә қадир ханим билән. 2012-Йили 21-сентәбир, голландийә.
RFA/Pidaiy

Голландийә сот даирилири уйғур яш абдулфаруқниң панаһлиқ илтимасини рәт қилип, уни 1-айниң 8-күни қайтурушқа һөкүм қилған. Хәлқара кәчүрүм тәшкилати қатарлиқ кишилик һоқуқ органлириниң арилишиши вә голландийидики уйғурларни қоллиғучи партийиләрниң күч чиқириш билән абдулфаруқ қайтурулуш хәвпидин қутулуп қалған иди.

Абдулфаруқ абдулғәни әпәнди билән өткүзгән сөһбитимиздә бурундин тартип һес қилип келиватқан, һиҗрәт қилғучиларниң муһаҗирәт сепигә керип келишидә, һечқандақ идийиви тәйярлиқи болмаслиқ, барған йеридә қандақ өткәлләргә дуч келидиғанлиқини билмәслик, дәлил-испатлирини лайиқида тәйярлиялмаслиқ қатарлиқ сәвәбләр түпәйлидин, уйғур панаһланғучиларниң вәтән сиртида дуч келиватқан қисмәтлири намаян болди.

Голландийигә кәлгинигә бир йерим йил болған абдулфаруқ әпәнди дәсләпки тәкшүрүштин кейинла, панаһлиқ лагерида җаваб күтүп турған. Бу қетим туюқсизла чақиртилип, қисқиғина сөһбәттин кейин қайтурулушқа һөкүм қилинған. Мәзкур буниңға җавабән һөкүмгә наразилиқ билдүргән. Нәтиҗидә голландийидики илтиҗа ишлири оргини билән хәлқара кәчүрүм тәшкилатидики хадимларниң алаһидә көңүл бөлүши билән бир қатар талаш-тартиш обйектиға айланған.

Абдулфаруқ әпәндиниң билдүрүшичә, у өзиниң панаһлиқ тиләш арқилиқ муһаҗирлиқ салаһийитигә еришәләйдиғанлиқини голландийигә келип андин билгән вә бу муһаҗирәттики һаятиниң сиясий һаят болидиғанлиқини чүшәнгәндин кейин, голландийидики тәшкилатларға йеқин туруп, әзалиқ бәдәл пули тапшуруп кәлгән.

У өзиниң бихәтәрлик мәсилилири һәққидә тохтилип, бу йәргә кәлгәндин кейин, узун өтмәйла, хитайлар униң аилисидикиләргә бесим қилип, аилисидикиләрниң паспортини тартивалғанлиқини билдүрди.

Абдулфаруқ әпәнди вәтәндики чағлиридин башлапла тарихқа қизиқип, издәнгән вә хитайларға болған нәпрәт қаришини тиклигән.

У йәнә йүрәк сөзини ипадиләп, чәтәлдики уйғурларни арқиға чекинмәсликкә үндиди, вәтәндин һиҗрәт қилип чиқмақчи болғанларни бәлни чиң бағлап андин чиқишқа чақирди. У, сиясәткә арилашмайватқан, арқиға чекиниватқанларға болған мәйданини ипадилиди.

У йәнә голландийидики тәшкилатларниң муһаҗирәт сепигә кирип келиватқан йеңи муһаҗирларға көпрәк хизмәт ишлишини, түрлүк паалийәтләрни тәшкилләп актиплиққа йетәклишини үмид қилидиғанлиқини билдүрди.

Һазирға қәдәр биз учратқан панаһланғучиларниң көпинчиси муһаҗирәттики сиясий панаһлиқ йоллиридин һечқандақ хәвәрсиз һалда сәпәргә атлиниватқанлиқи мәлум болуп кәлди. Буниңда чәтәлләргә йолға салған һаянкәшләрниң мәсулийәтсизлики, муһаҗирларниң вәтән сиртидики җәмийәтләр билән алақилишиш имканлириниң йетәрсиз болуши, чәтәлләрдики муһаҗир уйғурларниң өзлири туруватқан дөләтләрдики һаятлиқ йоллириниң ички маһийитини йошуруши қатарлиқ амилларниң изчил тәкрарлиниватқанлиқи барлиқ виҗдан әһлиниң мәсулийитигә берип тақилидиған мәсилигә айланмақта.

Пикирләр (0)
Share
Толуқ бәт