Тайландта тутуп турулуватқан уйғурлардин 4 яштики абдуллаһ абдувели аләмдин өтти

Ихтиярий мухбиримиз әркин тарим
2014-12-23
Елхәт
Пикир
Share
Принт

Тайландта 6 йәрдә тутуп турулуватқан 400 әтрапида уйғурниң бири болған абдуллаһ абдувели бүгүн кесәл сәвәбидин давалаш үнүм бәрмәй тайландтики бир дохтурханида аләмдин өткән.

4 Күндин бери тайландта бу уйғурлар туруватқан лагирларни айлиниватқан, бу мусапирларниң әһвалини әң яхши билидиған кишиләрдин бири болған абдулқадир тумтүрк әпәндиниң ейтишичә, 10 айдин бери бу лагирларда тутуп турулуватқан уйғурларниң көпи аял вә кичик балилардин тәркиб тапқан болуп, һәммиси кичик өйләрдә семонт үстидә ятқачқа, һава килиматиниң охшимаслиқи вә турмуш шәрт-шараитиниң начарлиқидин көпинчиси кесәлмән болуп кәткән, буларни җиддий тутуп давалимиған тәқдирдә кесәлмән болуп һаятидин айрилип қелиш хәвпи астида икән. У, 10 ай ичидә бу лагирда 10 әтрапида бовақниң дуняға кәлгәнликини ейтти. У, сөзиниң ахирида дуняниң һәр қайси җайлирида яшаватқан уйғурларни бирлик, иттипақлиқ ичидә уларға ярдәм қилишқа чақирди.

Пикирләр (0)
Share
Толуқ бәт