Токйода рабийә қадир ханимниң йетәкчиликидә хитайға қарши намайиш өткүзүлди

Ихтиярий мухбиримиз һаҗи қутлуқ қадири
2013-07-01
Елхәт
Пикир
Share
Принт
Токйодики хитай әлчиханисиниң алдида өткүзүлгән хитайға қарши наразилиқ намайишта рабийә қадир ханим мухбирларға баянат елан қилди. 2013-Йили 30-июн, японийә.
Токйодики хитай әлчиханисиниң алдида өткүзүлгән хитайға қарши наразилиқ намайишта рабийә қадир ханим мухбирларға баянат елан қилди. 2013-Йили 30-июн, японийә.
RFA/Qutluq

6-Айниң 30-күни токйодики хитай әлчиханисиниң алдида уйғур миллий һәрикитиниң рәһбири рабийә қадир ханимниң йетәкчиликидә хитайға қарши намайиш өткүзүлди.

Бу қетимқи намайиш японийә уйғур җәмийитиниң тәшкиллиши, японийәдики уйғур мәсилисини қоллиғучи тәшкилатларниң һәмкарлишиши билән бирликтә елип берилди.

Намайиш хитай әлчиханисиға йеқин җайдин башланди. Хитай әлчиханисиниң алдидики чоң йолда намайишчилар қоллирида шәрқий түркистанниң ай юлтузлуқ байриқини көтүрүп, «хитай һакимийити террорчи», «уйғурларға әркинлик», «уйғурларни бастуруш тохтитилсун» дегәндәк шоарларни товлашти.

Намайиш чүштин кейин саәт иккидә башланди. Намайиш мәйдани японийә ахбарат саһәсидикиләр билән лиқ толди.

Уйғур миллий һәрикитиниң рәһбири рабийә қадир ханим мухбирларға баянат елан қилди.

Дуня уйғур қурултийиниң муавин рәиси илһам мәхмут токйодики хитай әлчиханисиға йезилған баянатнамини оқуп өтти.

Зияритимизни қобул қилған дуня уйғур қурултийиниң муавин рәиси сейит түмтүрк бу қетимқи намайиш һәққидә тохтилип өтти.

Намайишта уйғур миллий һәрикитиниң рәһбири рабийә қадир ханим хитай әлчиханисиға қара чәмбирәк қойди. Дуня уйғур қурултийи намидин йезилған баянатнамә хитай әлчиханисиниң хәт сандуқиға селинди.

Намайиш чүштин кейин саәт иккидин төткә қәдәр давамлашти.

Бу қетимқи намайишқа иштирак қилған гүлистан ханим, зияритимизни қобул қилип, бүгүнки намайиш һәққидә өз тәсиратини баян қилип өтти.

Пикирләр (0)
Share
Толуқ бәт