Tokyoda rabiye qadir xanimning yétekchilikide xitaygha qarshi namayish ötküzüldi

Ixtiyariy muxbirimiz haji qutluq qadiri
2013-07-01
Élxet
Pikir
Share
Print
Tokyodiki xitay elchixanisining aldida ötküzülgen xitaygha qarshi naraziliq namayishta rabiye qadir xanim muxbirlargha bayanat élan qildi. 2013-Yili 30-iyun, yaponiye.
Tokyodiki xitay elchixanisining aldida ötküzülgen xitaygha qarshi naraziliq namayishta rabiye qadir xanim muxbirlargha bayanat élan qildi. 2013-Yili 30-iyun, yaponiye.
RFA/Qutluq

6-Ayning 30-küni tokyodiki xitay elchixanisining aldida Uyghur milliy herikitining rehbiri rabiye qadir xanimning yétekchilikide xitaygha qarshi namayish ötküzüldi.

Bu qétimqi namayish yaponiye Uyghur jem'iyitining teshkillishi, yaponiyediki Uyghur mesilisini qollighuchi teshkilatlarning hemkarlishishi bilen birlikte élip bérildi.

Namayish xitay elchixanisigha yéqin jaydin bashlandi. Xitay elchixanisining aldidiki chong yolda namayishchilar qollirida sherqiy türkistanning ay yultuzluq bayriqini kötürüp, "Xitay hakimiyiti térrorchi", "Uyghurlargha erkinlik", "Uyghurlarni basturush toxtitilsun" dégendek sho'arlarni towlashti.

Namayish chüshtin kéyin sa'et ikkide bashlandi. Namayish meydani yaponiye axbarat sahesidikiler bilen liq toldi.

Uyghur milliy herikitining rehbiri rabiye qadir xanim muxbirlargha bayanat élan qildi.

Dunya Uyghur qurultiyining mu'awin re'isi ilham mexmut tokyodiki xitay elchixanisigha yézilghan bayanatnamini oqup ötti.

Ziyaritimizni qobul qilghan dunya Uyghur qurultiyining mu'awin re'isi séyit tümtürk bu qétimqi namayish heqqide toxtilip ötti.

Namayishta Uyghur milliy herikitining rehbiri rabiye qadir xanim xitay elchixanisigha qara chembirek qoydi. Dunya Uyghur qurultiyi namidin yézilghan bayanatname xitay elchixanisining xet sanduqigha sélindi.

Namayish chüshtin kéyin sa'et ikkidin tötke qeder dawamlashti.

Bu qétimqi namayishqa ishtirak qilghan gülistan xanim, ziyaritimizni qobul qilip, bügünki namayish heqqide öz tesiratini bayan qilip ötti.

Toluq bet