Xitay saqchiliri xoten xan'ériqta topliship tekbir éytip mangghan jama'etke oq chiqarghan

Muxbirimiz shöhret hoshur
2013-06-28
Élxet
Pikir
Share
Print
Xotendiki jama'et
Xotendiki jama'et
AFP


Bügün xitay merkizi téliwiziyesi xotende yene hujum qilish weqesi yüz bergenlikini we weqening tinjitilghanliqini xewer qildi. Emma weqening tepsilati heqqide héchqandaq melumat bermidi. Muxbirimiz bügün xotendiki saqchi we ahalilerge téléfon qilish arqiliq weqe heqqide bir qisim melumatlargha érishti.

Melum bolushiche, bügün  xan'ériqning 8 ‏-kentidiki meschitning bir türküm  jama'iti 8 ‏-kenttin 7 ‏-kentke qarap motosékilitlar bilen qatarliship yolgha chiqqan we yol üstide tekbir éytip mangghan. Keypiyattin gumanlan'ghan xitay saqchiliri ularning arqisidin nazaret qilip mangghan. Motosékilitliq jama'et 2 kilométirche mangghandin kéyin xitay saqchiliri namelum bir seweb bilen jama'etke qaritip chiqarghan. Oqqa tutushta az dégen ikki kishi ölgen we bir kishi yarilan'ghan. Töwende muxbirimiz shöhret hoshurning bu heqte igiligen melumatlirini anglaysiler.

Muxbir: siz nawagh saqchixanining mu'awin bashliqi gheyretmu?
Xadim: shundaq, men shu.
Muxbir: bügün weqe yüz bergen yer silerning teweliktimu emesmu?
Xadim: yaq, xan'ériq saqchixanining tewelikide.
Muxbir: bixeterlik tedbirlirini qandaqraq élip bériwatisizler?
Xadim: asasliq saqchixanini mudapi'e qilip turduq.
Muxbir: weqede jem'iy qanche kishi öldi?
Xadim: buni nahiyilik saqchixanidin sorang.

****************
Muxbir: xan'ériq saqchixanimu?
Xadim: shundaq.
Muxbir: weziyet qandaqraq?
Xadim: men shu mudapi'e qalpiqimni kiyip nöwette turuwatimen, kelgen téléfonlarni éliwatimen, chazida tutulghanlarni tizimlap sojanggha yollawatimen.
Muxbir: weqede qanche kishi öldi?
Xadim: baya zidawyüen balilarni yighip yighin échip bügünki ishlarni melum qilghan hem bu heqte uchurlarni bizning ruxsitimizsiz bermenglar dégen.
Muxbir: weqe sa'et nechchide yüz berdi?
Xadim: jümedin kéyin sa'et 2de.
Muxbir: weqe qeyerde yüz berdi?
Xadim: neq meydan'gha men barmidim, bilmeymen.
Muxbir: nöwette turghan ademmu weqening jeryanini bilmemdu?
Xadim: hazir hemme adem bek aldirash, saqchilar kiridu-chiqidu, kiyim yenggüshleydu, tapanchilirigha oq toluqlaydu, aldirash, shunga weqening tepsilatini uqmidim.

**************
Muxbir: sojang memtimin metqasimmu?
Xadim: he, men shu.
Muxbir: xan'ériqta yüz bergen bügünki weqening bash-axirini dep bersingiz?
Xadim: men hazir adem tutqili kétip barimen, sel turup dep bérey.
Muxbir: weqede qanche adem öldi, shuni dep béring?
Xadim: yaq bularni dep bérelmeymen.

********************
Muxbir: bu xan'ériqtiki bir a'ilimu?
Ahale: shundaq, xan'ériq.
Muxbir: bügün xan'ériqta yüz bergen qandaq weqe?
Ahale: 2-3 adem öleptu, dep angliduq.
Muxbir: qandaq bolup ölüptu?
Ahale: herbiyler oq chiqirip öltürüptu dep angliduq. Kishiler " Weqe yéngi yolda yüz berse, kona yoldikilerni étiwetti" déyishiwatqan.
Muxbir: weqe zadi néme weqeken, qandaq kélip chiqiptu?
Ahale: meschittin qaytqanlarning ishi oxshaydu. Ötken jümemu weqe yüz bergen u meschitte.
Muxbir: ötken jümeki néme weqe iken?
Ahale: saqchilar meschitni qorshiwalghan, meschitning derwazisigha qulup sélip sirtqa chiqmaysen dégendin kéyin, meschittikiler, saqchilarni bösüp chiqip ketken. Bügünkisimu shu ish bilen chétishliq bolsa kérek.
Muxbir: ötken jüme saqchilarning meschitni qorshiwélishi néme sewebtinken?
Ahale: meschitning imami hükümet  de dégenni démigen ishken.
Muxbir: saqchilar gumandarlargha qaritip oq chiqarghan gepmiken yaki qarisigha oq chiqarghanmu?
Ahale: kishiler kona yolda  4-5 kishining qan'gha milinip yatqanliqini körüptu, putigha ikki pay oq tekken kishi bir qoli yoq méyip kishi iken.
************
Muxbir: weqe heqqide jem'iyette néme gepler bar?
Ahale:  8 ‏-daduydiki meschittikiler namazdin kéyin 7 ‏-daduyge qarap  " Allahu'ekber" dep towlap méngiptu, ,motosékilitlar bilen, saqchilar keynige chüshüptu, ular  2 kilométirche mangghandin kéyin saqchilar oq chiqiriptu.
Muxbir: ular motosékilitlar bilen 7 ‏-daduy terepke qarap mangghanda néme meqset bilen méngiptu, birsini yoqlighilimu, yaki topliship bir ishqa naraziliq bildürgilimu?
Ahale: uni uqmidim. Bu bek jiddiy bir ishken, hemmizni sékritar öydin talagha chiqmanglar dédi, öydin chiqmay olturduq.

Hörmetlik radi'o anglighuchilar, yuqiriqi melumatlardin qarighanda, xan'ériqtiki bir meschit jama'iti bilen xanériqtiki xitay saqchiliri arisida yéqinda bir ixtilap peyda bolghan we shuningdin kéyin saqchilar mezkur jama'etke qarita kontrolluqni kücheytken, netijide bügünki qanliq weqe kélip chiqqan. Weqede saqchilar topliship öylirige  qaytqan yaki topliship naraziliq bildürüshke mangghan jama'etke oq chiqarghan. Oqqa tutushta az dégende ikki kishi ölgen we bir kishi yarilan'ghan. Bügün xitayche b b s ning xoten xan'ériqtin igiligen melumatliridin qarighanda, xan'ériqtiki bir türküm yashlar ittipaq meydanigha toplinip, melum bir nersige ot yéqip köydürgen. Netijide saqchilar bilen yashlar arisida toqunush kélip chiqqan.

Toluq bet