Kucha aliqagha erkekliri qozghilip yaghliq artqan ayallarni tutuwalghan hökümet xadimliri bilen toqunushti

Muxbirimiz shöhret hoshur
2014-05-20
Élxet
Pikir
Share
Print
Xitay da'irilirining Uyghurlargha qaratqan türlük bésimi we diniy étiqad cheklimiliri Uyghurlarni chüshkünleshtürmekte. 2009-Yili 17-iyul, ürümchi.
Xitay da'irilirining Uyghurlargha qaratqan türlük bésimi we diniy étiqad cheklimiliri Uyghurlarni chüshkünleshtürmekte. 2009-Yili 17-iyul, ürümchi.
AFP

Bügün kucha nahiyisining aliqagha bazirida, seyshenbe bazargha sodiliq qilghini kelgen bir türküm ayallar yaghliqini aldidin chekkenliki üchün tutulup bazarliq hökümet binasigha solap qoyulghan.

Tutulghan ayallarning erliri we qérindashliri bazarliq hökümet qorusi aldigha toplinip bu zorawanliqqa naraziliq bildürgen. Ularning bu heqqaniy herikitini seyshenbe bazargha kelgen el-jama'etmu qollap etrapqa toplan'ghan. Ularni qollighuchilarning sépige mekteptin qaytqan bazarliq ottura mektepning oqughuchilirimu qatnashqan. Aqiwette hökümet xadimliri we saqchilar bilen naraziliq bildürüwatqan namayishchilar arisida toqunush kélip chiqqan, weqege xitay qoralliq qisimliri qoralliq ariliship, hawagha we kishilerge qaritip oq chiqarghan.

Bir neper kent saqchisining muxbirimizgha bayan qilishiche, weqede ikki kishi oq tégip ölgen. Weqedin kéyin weqege qatnashqanlarni tutqun qilish herikiti keng kölemde dawam qilmaqta. Melum bolushiche, weqege qatnashqan oqughuchilardin 70 nechchisi tutqun qilin'ghan.

Tepsilatini yuqiridiki awaz ulinishidin anglighaysiler.

Toluq bet