Yaponiyede "5-Féwral ghulja weqesi" ni xatirilesh namayishi ötküzüldi

Muxbirimiz méhriban
2019-02-04
Élxet
Pikir
Share
Print
Yaponiye Uyghur jem'iyitining teshkillishi bilen "5-Féwral ghulja weqesi" ning 22 yilliqini xatirilep ötküzülgen namayishidin körünüsh. 2019-Yili 3-féwral, tokyo.
Yaponiye Uyghur jem'iyitining teshkillishi bilen "5-Féwral ghulja weqesi" ning 22 yilliqini xatirilep ötküzülgen namayishidin körünüsh. 2019-Yili 3-féwral, tokyo.
Photo: RFA

3-Féwral, yeni yekshenbe küni yaponiye Uyghur jem'iyitining teshkillishi bilen 1997-yilidiki "5-Féwral ghulja weqesi" ning 22 yilliqini xatirilesh namayishi ötküzülgen.

Yekshenbe küni tokyoning eng awat rayoni bolghan shinjuku rayonida Uyghurlar bilen Uyghurlarni qollighuchi yaponluqlarning qatnishishi bilen élip bérilghan bu namayishning kölimi we tesiri ilgiriki yillardikige qarighanda alahide zor bolghan. Shu küni shinjuku rayonidiki minglighan kishiler xitaygha qarshi bu namayishni neq meydanda körgen we teshwiqat waraqlirini oqughan.

Yaponiye Uyghur jem'iyitining re'isi ilham mexmut ependi radiyomiz ziyaritini qobul qilip, tokyodiki namayish ehwalidin melumat berdi. Bu qétimqi namayishqa qatnashqan birqanche neper Uyghur ziyaliysimu ziyaritimizni qobul qilip, namayishning tolimu heywetlik we tesirlik bolghanliqini ilgiri sürdi. Ular yaponiyede köpligen Uyghurlar yashawatqan we oquwatqan bolsimu, emma ilgiriki yillarda xitay hökümitining türlük bésimliri sewebidin yaponiyediki Uyghurlarning xitaygha qarshi pa'aliyetlerge qatnishishtin éhtiyat qilip kelgenlikini tilgha aldi. Ular yéqinqi 2 yildin buyan yaponiyediki Uyghurlarning siyasiy éngida özgirish bolghanliqini, milyonlarche Uyghurning xitayning jaza lagérlirigha qamilishidek achchiq ré'alliqning bu yerdiki Uyghurlarni oyghatqanliqini tekitlidi. Ular yene yaponiyediki Uyghurlarning nöwette yurtliridiki Uyghur qérindashliri üchün sözlesh, lagérlargha qamalghan yéqinlirining qiyin ehwalini yaponiye hökümiti we yapon xelqige anglitish keypiyatining barghanséri küchiyiwatqanliqini ilgiri sürdi.

Yaponiyediki namayishning tepsilatini we yaponiyediki Uyghurlarning yürek sözlirini yuqiriqi awaz ulinishidin anglighaysiler.

Toluq bet