Йәкәнниң елишқу йезисида вәқә йүз бәрди, бирақ сақчилар җаваб беришни рәт қилди

Ихтиярий мухбиримиз һаҗи қутлуқ қадири
2015-07-29
Елхәт
Пикир
Share
Принт
Йәкән сақчи идарисиниң 127 уйғурни тутуш тизимлики
Йәкән сақчи идарисиниң 127 уйғурни тутуш тизимлики
RFA/Qutlan


Инкасларға қариғанда, йәкән наһийәсиниң елишқу йезисида 28 - июл вәқә йүз бәргән болуп, шу күни әтигән саәт онларда өткән йили 28 - июлда хитай даирилири тәрипидин аяли вә пәрзәнтлири өлтүрүлгән бир қисим аилиләр йезилиқ һөкүмәт ишханиси алдиға топлинип, вәқәдә қәтлиам қилинған аилә - тавабиатлириниң өлүми һәққидә һөкүмәтниң йәкүн чиқирип беришини тәләп қилған. Бирақ, йезилиқ һөкүмәт уларниң тәлипини рәт қилип сақчилар уларни қолға алған.

Биз мәзкур йип учиға асасән йәкән наһийә елишқу йезилиқ сақчиханиға телефон қилғинимизда зияритимизни қобул қилған ярдәмчи сақчи һазир сақчиханида вәзипә өтәватқан хадимларниң һәммисиниң ярдәмчи сақчилар икәнликини, рәсмий сақчиларниң вәқә йүз бәргән мәйданға кәткәнликини яки арам еливатқанлиқини билдүрди вә шундақла вәқә һәққидә мәлумат беришни рәт қилди.

Биз шуниң билән, елишқу йезисиға йеқин җайдики пеңчең меһманханисиға телефон қилғинимизда, хитай күткүчи қиз йәкән вәзийитиниң анчә хәтәрлик әмәсликини, шундақтиму 24 саәт чарлаш елип берилидиғанлиқини вә елишқу йезисида йүз бәргән вәқәдин өзлириниң хәвәрсиз икәнликини билдүрди.

Биз бүгүн йәнә давамлиқ һалда елишқу йезисида йүз бәргән вәқә һәққидә мәлуматқа еришиш үчүн көп қетим йәкән наһийәсидики бир қисим орунларға телефон қилған болсақму, даириләр соаллимизға җаваб беришни рәт қилди.

Нөвәттә диққитиңлар, елишқу йезилиқ сақчихана вә пеңчең меһманхана хадимлири билән елип берилған телефон сөһбитимиздә болғай.

Юқириқи аваз улинишидин тәпсилатини аңлаң.

Пикирләр (0)
Share
Толуқ бәт