Yekenning élishqu yézisida weqe yüz berdi, biraq saqchilar jawab bérishni ret qildi

Ixtiyariy muxbirimiz haji qutluq qadiri
2015-07-29
Élxet
Pikir
Share
Print
Yeken saqchi idarisining 127 Uyghurni tutush tizimliki
Yeken saqchi idarisining 127 Uyghurni tutush tizimliki
RFA/Qutlan


Inkaslargha qarighanda, yeken nahiyesining élishqu yézisida 28 - iyul weqe yüz bergen bolup, shu küni etigen sa'et onlarda ötken yili 28 - iyulda xitay da'iriliri teripidin ayali we perzentliri öltürülgen bir qisim a'ililer yéziliq hökümet ishxanisi aldigha toplinip, weqede qetli'am qilin'ghan a'ile - tawabi'atlirining ölümi heqqide hökümetning yekün chiqirip bérishini telep qilghan. Biraq, yéziliq hökümet ularning telipini ret qilip saqchilar ularni qolgha alghan.

Biz mezkur yip uchigha asasen yeken nahiye élishqu yéziliq saqchixanigha téléfon qilghinimizda ziyaritimizni qobul qilghan yardemchi saqchi hazir saqchixanida wezipe ötewatqan xadimlarning hemmisining yardemchi saqchilar ikenlikini, resmiy saqchilarning weqe yüz bergen meydan'gha ketkenlikini yaki aram éliwatqanliqini bildürdi we shundaqla weqe heqqide melumat bérishni ret qildi.

Biz shuning bilen, élishqu yézisigha yéqin jaydiki péngchéng méhmanxanisigha téléfon qilghinimizda, xitay kütküchi qiz yeken weziyitining anche xeterlik emeslikini, shundaqtimu 24 sa'et charlash élip bérilidighanliqini we élishqu yézisida yüz bergen weqedin özlirining xewersiz ikenlikini bildürdi.

Biz bügün yene dawamliq halda élishqu yézisida yüz bergen weqe heqqide melumatqa érishish üchün köp qétim yeken nahiyesidiki bir qisim orunlargha téléfon qilghan bolsaqmu, da'iriler so'allimizgha jawab bérishni ret qildi.

Nöwette diqqitinglar, élishqu yéziliq saqchixana we péngchéng méhmanxana xadimliri bilen élip bérilghan téléfon söhbitimizde bolghay.

Yuqiriqi awaz ulinishidin tepsilatini anglang.

Toluq bet