Tonulghan sen'etkar merhum küresh küsen tewellutining 60-yilliqi xatirilendi

Ixtiyariy muxbirimiz erkin tarim
2019-09-10
Élxet
Pikir
Share
Print
Tonulghan sen'etkar merhum küresh küsen tewellutining 60-yilliqi xatirilesh murasimida Uyghur ösmür déklamatsiye qilmaqta. 2019-Yili 6-séntebir, istanbul.
Tonulghan sen'etkar merhum küresh küsen tewellutining 60-yilliqi xatirilesh murasimida Uyghur ösmür déklamatsiye qilmaqta. 2019-Yili 6-séntebir, istanbul.
RFA/Erkin Tarim

Bu yil ataqliq muzikant we naxshichi merhum küresh küsen tughulghanliqigha 60 yil bolghan xatire yilidur. Bu munasiwet bilen 9-ayning 6-küni istanbul fatih sultan mehmet uniwérsitétining zalida "Tonulghan sen'etchi, sha'ir, kompozitor küresh küsenning tewellutining 60 yilliqini xatirilesh" pa'aliyiti ötküzüldi. Mezkur xatirilesh pa'aliyitige dunya Uyghur qurultiyi mu'awin re'isi perhat muhemmidi ependi, Uyghur akadémiyesining rehberliri, amérika, kanada, yawropa döletliri, qazaqistan we türkiyening herqaysi jayliridin kelgen Uyghurlardin bolup köp sanda kishi ishtirak qildi. Merhum küresh küsenning ayali bextigül, ikki perzenti we singlisi alahide teklip boyiche qatnashti.

Yighinning kün tertipige boyiche istanbuldiki tangnuri telim terbiye mektipi oqughuchiliri "Sherqiy türkistanning istiqlal marshini" oqudi.

Xatirilesh yighinining échilish nutqini merhum küresh küsenni xatirilesh pa'aliyitini uyushturghan Uyghur akadémiyesi re'isi proféssor doktor alimjan inayet ependi, teklimakan Uyghur neshriyati mudiri abdujélil turan ependi we dunya Uyghur yazghuchilar jem'iyiti mes'ulliridin abdushükür muhemmet ependi sözlidi.

Kéyin tangnuri telim terbiye mektipi oqughuchisi shükran qasim küresh küsenning "Atlanduq" dégen naxshisini orundap berdi. Arqidin amérika alem qatnash idarisi optika inzhénéri doktor erkin sidiq ependi, awstraliyedin kelgen Uyghur ziyaliysi memetimin ela ependi, yaponiyedin kelgen haji qutluq qadiri ependi qatarliqlar sözlep, merhum sen'etchi küresh küsen'ge yuqiri baha berdi.

Tonulghan sen'etchi, sha'ir we kompozitor merhum küresh küsenning tewellutining 60 yilliqini xatirilesh yighinining échilish nutqini proféssor doktor alimjan inayet ependi sözlidi. U, sözide küresh küsenning pidakar, jesur naxshiliri we shé'irliri bilen küresh qilghan qehriman ikenlikini bayan qildi.

Yighinning küntertipi boyiche küresh küsenning ayali bextigül xanim yoldishi küresh küsenning Uyghur diyari we chet'eldiki hayatini Uyghurlarning erkinlikige atighan el oghlani ikenlikini bayan qildi.

Küresh küsenning chet'elge chiqqandin kéyin milliy azadliq herikitige qatniship siyasiy hayatini bashlighandin buyan ijad qilghan "Istiqlal marshi", "Ur amérika" hemde "Rabiye qadir" qatarliq ijadiy naxshilirida milliy tuyghu, lirikiliq ahang hemde jesur siyasiy isyankar roh jipsilashqan ajayip özgiche bir mélodiye shekillen'gen. U yawropa elliride köp qétim konsért bérip, Uyghur sen'itini tonushturghan. Uning ayali bextigül xanim xatirilesh yighinida sözligen sözide küresh küsen ishletken barliq chalghu eswabliri we awaz matériyallirining shiwétsiye döletlik muzéyigha qoyulghanliqini bayan qildi.

Istanbulda ötküzülgen merhum küresh küsenni xatirilesh yighinida dunyaning her qaysi jayliridin kelgen kesipdashliri arqa-arqidin sehnige chiqip, uning bilen bolghan eslimilirini sözligendin sirt uning hayatigha yuqiri baha berdi. Yighin axirida yighin ehlige küresh küsenning hayat kechürmishliri bayan qilin'ghan "Küresh ölmeydu" namliq kitab tarqitip bérildi. Biz kitab heqqide téximu tepsiliy melumat igilesh üchün mezkur kitabning aptori abdushükür muhemmet ependige mikrofonimizni uzattuq. U, "Küresh ölmeydu" namliq kitabining istanbuldiki teklimakan Uyghur neshriyati teripidin neshr qilin'ghanliqini we kitabta merhum küresh küsenning 1959-yili kuchada tughulup 2006-yili shiwétsiyede wapat bolghuche bolghan waqittiki hayatining teswirlen'genlikini éytti.

Küresh küsen Uyghur diyari ichi we sirtidiki Uyghurlar arisida keng tonulghan sen'etkar bolup, u shiwétsiyege barghandin kéyin, naxshiliri we siyasiy pa'aliyetliri arqiliq Uyghurlarni tonutush bilen qalmay "Gherb shamili" namida zhurnal chiqarghanidi.

Toluq bet