Zawa yézisidiki lagérgha qamalghanlardin tunji bolup 75 yashliq metrozi jümeniyaz "Oqush" püttürgen

Muxbirimiz shöhret hoshur
2019-08-02
Élxet
Pikir
Share
Print
Sh u a r ning re'isi shöhret zakir xitay xelq qurultiyida terlirini sürtmekte. 2015-Yili 10-mart, béyjing.
Sh u a r ning re'isi shöhret zakir xitay xelq qurultiyida terlirini sürtmekte. 2015-Yili 10-mart, béyjing.
AP

Atalmish "Terbiyilesh" tiki "90 Pirsent kishining qoyuwétilgenliki" heqqidiki uchur üstidin élip barghan éniqlashlirimiz dawamida qaraqashning zawa yézisidin "Terbiyilesh" ke ekétilgen bir qanche ming kishi ichidin ikki heptining aldida tunji bolup bir kishining lagérdin chiqqanliqi aydinglashti. Melum bolushiche, bu kishi zawa yéziliq hökümet igilik bashqurush ishxanisining pénsiyonéri 75 yashliq metrozi jümeniyaz bolup, u xitaychini yaxshi ögen'genliki we yanpash söngikidin mesile chiqip jayida olturalmaydighan bolup qalghanliqi üchün qoligha "Terbiyeleshni püttürdi" dep guwahname bérilgen we lagéridin qoyuwétilgen.

Türkiyede yashawatqan qaraqashliq muhajirlardin biri özining zawa yézisida olturushluq tughqini-yéziliq hökümet igilik bashqurush bölümining pénsiyonéri, 75 yashliq metrozi jümeniyazning 3 heptining aldida lagérdin qoyuwétilgenlikini melum qildi. Uning bayan qilishiche, metrozi jümeniyaz lagérda ikki yilgha yéqin yatqandin kéyin yanpash söngikidin chataq chiqip, jayida olturup-qopushi qiyinlashqan. U lagérdikilerning kündilik meshghulatlirigha maslishishqa amalsiz qalghandin kéyin, da'iriler uni qoyup bergen. Bu qaraqashliq muhajirni heyran qaldurghini metrozi jümeniyaz qoyup bérilidighan chaghda uninggha "Kespiy terbiyeleshni püttürdi" dep guwahname bérilgen. Biz Uyghur rayonining re'isi shöhret zakir otturigha qoyghan atalmish "Terbiyeleshtiki 90 pirsent kishining qoyuwétilgenliki" heqqidiki uchur üstide élip barghan éniqlashlirimiz dawamida zawa yézisidiki pénsiyonér metrozi jümeniyazning ehwali heqqidimu melumat soriduq.

Qaraqash nahiyilik edliye idarisining xadimi pénsiyonér metrozi jümeniyazning qoyup bérilgenlik uchurini ret qilmidi, u bu heqte rehbiri xadimlardin melumat élishimizni tewsiye qildi. 

So'al: metrozi jümeniyaz "Dölet tili" ni yaxshi bilgenliki üchün qoyup bérildimu yaki yanpash söngikidin chataq chiqqanliqi üchün qoyup bérildimu?

Jawab: bu heqte xata jawab bérip qoysaq bolmaydu, rehberlirimiz jawab bersun. 

Ishxanidiki yene bir xadimmu idare rehberlirining ishxanida yoqluqini seweb qilip körsitip, bu heqtiki so'allirimizgha neq jawabni bermidi.
So'al: zawa yézisining igilik bashqurush bölümidin pénsiyige chiqqan metrozi jümeniyaz dégen kishining "Terbiyilesh" tin qoyup bérilgenliki toghra uchurmu? 

Jawab: men bu ehwalni bilmeymen. 

So'al: siz esli qaysi nahiyedin? xoten sheher ichidinmu? 

Jawab: men loptin. 

So'al: shundaqmu? emise karxanichi eziz haji shangtangni kördingizmu, qoyup bérildimu, u kishi lopta eng bashta "Terbiyilesh" ke ekitilgenmu? 

Jawab: yaq, ularning tizimliki mende yoq, tonumaydikenmen. 

So'al: undaqta, abdulla haretnichu? yaghachchi, u kishi qoyup bérildimu, kördingizmu?

Jawab: bilmeymen.
So'al: undaqta, ular téxiche "Terbiyilesh" te dégen gepmu? 

Jawab: men bu ishlargha mes'ul emes, bilmeymen hem tonumaymen. 

So'al: emise, yene shu pénsiyonér metrozi jümeniyazning gépige kéleyli, u kishi zawa yézisidin qoyup bérilgen tunji kishi dégen gep toghrimu? 

Jawab: men bu so'allargha jawab bérelmeymen. 

Téléfonimizni qobul qilghan qaraqashning melum yéziliq saqchi xadimi bu yézidin ikki heptining halda tunji qétim "Terbiyeleshni püttürgen" kishining metrozi jümeniyaz ikenlikini delillidi. 

So'al: ikki heptining aldida "Terbiyilesh" tin chiqqan kishining ismi néme? igilik bashqurush bölümining pénsiyonéri? 

Jawab: metrozi jümeniyaz.

So'al: bu kishining öyining téléfon nomuri qanche? 

Jawab: . . . . . .
Bu xadimmu metrozi jümeniyazning tutulush we qoyup bérilish sewebi heqqide melumat bérelmidi. 

Biz bu saqchi xadimidin metrozi jümeniyazning özi yaki a'ilisi bilen körüshtürüshni telep qilduq we bu saqchi xadimining téléfoni arqiliq metrozi jümeniyazning ayali bilen söhbetleshtuq. Metrozi jümeniyazning doxturxanigha ketkenlikini bayan qilghan ayalimu uning "Dölet tili" ni yaxshi ögen'genliki we salametlikidin mesile chiqqanliqi üchün lagérdin qoyup qoyup bérilgenlikini delillidi.

Toluq bet