Алмас низамидинниң аписи зулпийә ханим қурбан һейтта лагердин 3 күн қоюп берилгән

2019-08-15
Елхәт
Пикир
Share
Принт
Алмас низамидин вә аяли бүзәйнәп абдурәшит.
Алмас низамидин вә аяли бүзәйнәп абдурәшит.
RFA/Mehriban

Австралийәдики уйғур муһаҗир алмас низамидинниң аяли бузәйнәп абдурешит 2017-йили мисирдин уйғур елигә қайтқинида 7 йиллиқ қамақ җазасиға һөкүм қилинған. Аписи зулпийә җалалидин америкаға келип оғлини йоқлап, 2017 йили 11-айда үрүмчигә қайтқан. Әмма у қайтип беришиға 2018-йили январда тутқун қилинған.

Шундин буян алмас низамидин вә униң америкадики дадиси җүрәт низамидин вақтини вә зеһнини хитай түрмисидики бузәйнәп билән зулпийә ханимға әркинлик йоли издәшкә қаратқан иди.

Америкадики җүрәт низамидин әпәнди 12-авғуст өзиниң фейсбук бетигә «лагердики аялим билән икки оғлум телефонлашти» дәп учур тарқатқан иди. Униңда хитай һөкүмитиниң лагерға әкиривалған аяли зулпийә ханимни қурбан һейт мунасивити билән үч күнлүк қоюп берип, ата-анисини көрүшкә чиқарғанлиқи, оғли алмас билән измуратниң қурбан һейт күни аписи билән телефонда көрүшкәнлики йезилған.

Биз бу мунасивәт билән зулпийә ханимниң оғли алмас билән телефон сөһбити елип бардуқ. 

Зулпийә ханим лагерға қамалған 20 айлиқ һаятини телефонда мундақ уқтурған «мән тәрбийәлинип яхши бир аял, яхши ана болдум. Һөкүмәткә рәһмәт, бу мәктәпни йеқинда пүттүрүп чиқишим мумкин. яхши оқуңлар, оқушни тохтатмаңлар, силәрниң өгиниш нәтиҗәңлар мениң әң чоң хушаллиқим. . .»

Улар телефонда мундақ сөзләшкән: 

‏Алмас: сиз бир яхши ана, яхши оқутқучи идиңиз апа, тәрбийәлинишиңизниң һеч һаҗити йоқ иди. . . 

‏Зулпийә: ундақ демә, балам, өгиниш мәңгүлүк тема, мән бу йәрдә нурғун билимләрни өгинивалдим, чоқум идийиси сағлам адәм болушимиз керәк. Оқушуңни яхши оқу, уяқ-буяққа тола чапма, сән дегән яхши бала. . . 

Бу йил 51 яшқа киргән, зулпийә ханим алий дәриҗилик оқутқучи унваниға игә болуп, үрүмчи шәһәрлик 2-оттура мәктәпниң математика оқутқучиси икән.

Пикирләр (0)
Share
Толуқ бәт