Gollandiyede doktor erkin sidiqning kitabini tarqitish pa'aliyiti ötküzüldi

Ixtiyariy muxbirimiz pida'iy
2016-08-31
Élxet
Pikir
Share
Print
Alem qatnishi idarisi mutexessisi doktor erkin sidiq ependining kitabini sétiwalghuchilar imza qoydurush üchün nöwet kütmekte. 2016-Yili 28-awghust, gollandiye.
Alem qatnishi idarisi mutexessisi doktor erkin sidiq ependining kitabini sétiwalghuchilar imza qoydurush üchün nöwet kütmekte. 2016-Yili 28-awghust, gollandiye.
RFA/Pida’iy

Gollandiyediki Uyghurlar amérikidiki Uyghur ziyaliyliridin biri, amérika alem qatnishi idarisi mutexessisi doktor erkin sidiq ependining yéqinda neshr qilin'ghan "Kishilik tereqqiyat heqqidiki yazmilar" we "Köngül köngüldin su icher" namliq kitabilirini imzaliq tarqitish pa'aliyiti ötküzdi.

Gollandiyediki Uyghurlar bu 4 qisimliq kitabni uning imzasi bilen sétiwélip, töhpikargha bolghan hörmitini bildürdi. Bu, gollandiyediki Uyghurlar üchünmu, erkin sidiq ependi üchünmu ehmiyetlik bir ish dep teriplendi.

Bu pa'aliyet 28-awghust küni yawropa sherqiy türkistan ma'arip jem'iyitining orunlashturushidiki léksiye pa'aliyiti ariliqida élip bérildi. U küni erkin sidiq bilen tughluq abdurazaq ependiler gollandiyediki Uyghurlargha özliri yétishken sahelerde léksiye bergen idi.

Bu pursettin ünümlük paydilinish üchün gollandiyede "Kitabxumar abduréhim" dep tonulghan abduréhim ghéni ependi imzaliq kitab sétiwélishni pilanlap, alaqe wasitiliride bu heqte élanmu bergen idi. 28-Awghust yekshenbe küni ikki léksiye ariliqidiki qisqa pursette, pilandin xewerdar Uyghurlarning yüksek qizghinliqi we ajayip hayajanliri bilen bu pilan emeliyleshti.

Bu heqte ziyaritimizni qobul qilghan abduréhim ependi, kitab we uning qimmiti؛ uninggha ehmiyet bérish we yazghuchigha ilham bérishning muhimliqini tekitlidi.

Erkin sidiq ependi bu pa'aliyetning ehmiyitige yuqiri baha bérip, özining nahayiti iptixarliqqa chömgenlikini bildürdi.

Kitab sétiwalghanlardin ziyaritimizni qobul qilghanlar özlirining bu herikiti arqiliq meqset qilghan oy-xiyallirini radi'o anglighuchilirimiz bilen ortaqlashti.

Melum bolushiche shu küni 100 parchigha yéqin kitab sétilghan bolup, bu 4 qisimliq kitabni erkin sidiq ependi öz iqtisadi bilen neshr qilghan we telepchan aktiplarning hemkarliqida, erzan bahada sétip, qilin'ghan kirimni dunyaning herqaysi jaylirida oquwatqan oqughuchilar ichidiki hajetmenlerge yetküzidiken.

Toluq bet