Istanbuldiki Uyghur ana til sinipi we qur'an kursi oqughuchilirini tebriklesh murasimi ötküzüldi

Ixtiyariy muxbirimiz arslan
2017-05-30
Élxet
Pikir
Share
Print
Sutuq bughraxan ana til we qur'an kursi mektipi oqughuchiliri sen'et nomuri körsetmekte. 2017-Yili 28-may, istanbul.
Sutuq bughraxan ana til we qur'an kursi mektipi oqughuchiliri sen'et nomuri körsetmekte. 2017-Yili 28-may, istanbul.
RFA/Arslan

Türkiyening istanbul shehiridiki on nechche orunda Uyghur ana til sinipliri we qur'ani-kerim kursliri échilghan bolup, shulardin biri istanbulning sefaköy rayonidiki sutuq bughraxan ana til we qur'an kursi mektipidur. Bu yeslide 100 din artuq Uyghur ösmür ders oqumaqta. 5-Ayning 28-küni, yekshenbe chüshtin kéyin istanbulning Uyghurlar köp olturaqlashqan sefaköy rayonidiki mezkur Uyghur ana til yesli we qur'an kursining yaz mewsumluq oqush axirlashturush munasiwiti bilen oqughuchilarni tebriklesh pa'aliyiti ötküzüldi.

Pa'aliyetke istanbul köchükchekmeje muptiliq idarisining mes'ulliri, sherqiy türkistan ma'arip we hemkarliq jem'iyitining mes'ulliri we ezaliri, sutuq bughraxan ilim we medeniyet wexpining mes'ulliri, sherqiy türkistan ölimalar birlikining mes'ulliri hem oqughuchilarning ata-aniliri bolup köp sanda kishi qatnashti.

Sefaköy medeniyet merkizi zalida ötküzülgen bu pa'aliyet qur'an kérem tilawet qilish bilen bashlandi, murasimda sherqiy türkistan ma'arip we hemkarliq jem'iyitining re'isi hidayetulla oghuzxan échilish nutqi sözlep ösmürlerni tebriklidi.

Hidayetulla oghuzxan sözide, qur'ani-kerimining tunji bolup chüshken ayitining "Oqu"dégen söz bilen bashlan'ghanliqini, oqu-oqutushning muhimliqini, xelqimizning asarettin qutulush üchün aldi bilen nadanliq we jahalettin qutulush kéreklikini, jahalet we nadanliqtin qutulush üchün oqu-oqutushqa ehmiyet bérish kéreklikini otturigha qoydi.

Hidayetulla oghuzxan sözide yene, xelqning her sahede yétishken yaramliq ewladlargha éhtiyaji barliqini, shuning üchün perzentlerni meyli penni sahede bolsun meyli diniy sahede bolsun yaramliq qilip yétishtürüshke ehmiyet bérish kéreklikini tekitlidi.

Sherqiy türkistan ma'arip we hemkarliq jem'iyiti qarmiqidiki bu yeslide oquwatqan ösmürler özliri teyyarlap kelgen her xil nomurlarni körsetti.

Bezi ösmürler naxsha usul oynidi, sama saldi. Bezi ösmürler shé'ir déklamatsiye qildi.Ösmürler yene "Ana tilim" dégen témida shé'ir déklamatsiye qilip ana tili öginishning muhimliqini tekitlidi.

Pa'aliyet axirida mes'ullar, yeslidiki we qur'an kursidiki oqughuchilarning hemmisini sehnige teklip qilip tebriklidi. Oqughuchilargha médal teqdim qilindi we taj kiydürüldi.

Toluq bet