Türkiye jumhuriyitining magistir we doktor qobul qilish xizmiti bashlandi

Ixtiyariy muxbirimiz erkin tarim
2013-02-28
Élxet
Pikir
Share
Print
Oqush puligha érishken oqughuchilargha yighin échilmaqta.
Oqush puligha érishken oqughuchilargha yighin échilmaqta.
turkiyeburslari.gov.tr

Türkiyidiki oqushqa dunyaning herqandaq yéridiki Uyghurlarmu iltimas qilsa bolidiken.

Uyghur oqughuchilar komitéti ezasi doktor alimjan boghda ependining bildürüshiche, Uyghur oqughuchilar oqush iltimas ankitini toldurghanda estayidil bolush, matériyalini toridin ewetkende höjjetlerni bashqa kompyutérlarda échilidighan qilip ewetish qatarliqlargha diqqet qilishi kérek iken.

2011-Yili qurulghan türkiye jumhuriyiti bash ministirliqi chet'eldiki türkler we qérindash milletler bashqarmisi 2012-yilidin tartip teshkillik halda dunyaning herqaysi döletliridin oqush mukapat puli bilen oqughuchi ekélip oqutmaqta. 2013-2014-Yilliq oqush yili üchün magistir aspiranti we doktor aspirantliqigha tizimlitish xizmiti 1-marttin étibaren resmiy bashlandi. Bakalawrliqta oqumaqchi bolghanlarni tizimlash xizmiti téxi bashlanmighan. Bu oqush mukapatigha sherti toshqanla bolsa dunyaning herqaysi jayliridiki Uyghurlar tizimlatsa bolidu. Tallan'ghan oqughuchilar türkiyidiki dölet igilikidiki uniwérsitétlarning ijtima'iy we tebi'iy pen kesipliride oquyalaydu. Emma sen'et türide oqumaqchi bolghanlar bu oqush mukapat pulidin behrilinelmeydu.

Bashqarma tor bétide élan qilin'ghan melumatlargha asaslan'ghanda, magistir aspiranti we doktor tizimlitish 31-martqiche dawamlishidighan bolup, uning shertliri töwendikiche:

  1. Magistirliqta oqumaqchi bolghanlar 1983-yili 1-ayning 10-künidin kéyin tughulghan bolushi kérek.
  2. Doktorluqta oquydighanlar 1978-yili 1-ayning 1-künidin kéyin tughulghan bolushi kérek.
  3. Tizimlatmaqchi bolghanlar oqushini püttürgenler yaki oqush püttürüsh aldidikiler bolushi kérek.
  4. Tizimlatmaqchi bolghanlar türkiyide magistir we doktorluqta oquwatqan bolmasliqi kérek.

Türkiyide oqushni iltimas qilish tor béti arqiliq türkiyide oqush shertlirini tepsiliy bilish mumkin. Tor bet adrési: www.turkiyeburslari.gov.tr <http://www.turkiyeburslari.gov.tr>

Oqushqa iltimas qilghuchilar diqqet qilishqa tégishlik bezi nuqtilar heqqide tepsiliy melumatqa érishish üchün Uyghur oqughuchilar komitéti ezasi doktor alimjan bughda ependi bilen söhbet élip barduq.

Toluq bet