Марко рубийо: хитай бир ялғанчи һөкүмәт

Мухбиримиз җүмә
2020-03-29
Елхәт
Пикир
Share
Принт
Америка кеңәш палатасиниң әзаси марко рубю әпәнди йиғинда сөзлимәктә. 2019-Йили 4-апрел, вашингтон.
Америка кеңәш палатасиниң әзаси марко рубю әпәнди йиғинда сөзлимәктә. 2019-Йили 4-апрел, вашингтон.
REUTERS

Америкида корона вируси билән юқумланғанларниң сани 130 миңдин ешип, бу җәһәттә хитайниң алдиға өтүп кәткәнлики хәвәр қилиниватқан шараитта америка авам палатаси әзаси марко рубийо баянат елан қилип, хитайниң юқумланғучиларниң һәқиқий санини мәхпий тутқанлиқи, шуңа бу һәқтики хәвәрләрни бәк чактин ашуруветишкә болмайдиғанлиқини билдүрди.

У бу һәқтики қарашлирини шәрһләп өтти вә хитайниң һәқиқий сан мәсилидә ялғанчилиқ қилғанлиқини ейтти.

У ундақ деди: «биринчидин, хитай бир ялғанчи һөкүмәт. Улар һәққи санни ялған ейтти. Шуңа һәқиқий сани һәргиз биләлмәймиз. Улар баштин-аяқ ялған сөзлиди. Улар иҗтимаий мунасивәткила әһмийәт бәргәчкә ялған ейтиду. Иккинчидин, улар бир мустәбит һакимийәт. Шуңа улар бир шәһәргә берипла уни әскәрләр билән қоршап һечкиминиң кирип-чиқишиға қоймиди. Мундақчә ейтқанда, улар өзиниң бир шәһирини муһасиригә алди. Әмма биз бу дөләттә ундақ қилмаймиз.»

У йәнә, американиң нурғун нопусқа игә бир чоң дөләт икәнликини, бу йәргә дуняниң һәр йеридин адәмләр келидиғанлиқи, йәнә нурғунлиған америкалиқларниң дуняниң һәр қайси җайлирида сәпәр қилидиғанлиқи, шуңлашқа нөвәттики вирус вәзийитиниң адәмни әнсиритидиғанлиқини, әмма шундақтиму америкида йолға қоюлған алдини елиш тәдбирлирини юқум сани төвәнлигәнгә қәдәр давам қилмиса болмайдиғанлиқни ейтти. 

У ахирида кишиләрни җиддийлишип кәтмәсликкә чақирип мундақ деди: «һазир алақзадә болуп кетидиған вақит әмәс. Дәвр бизни һәрикәт қилишқа чақириду.»

Пикирләр (0)
Share
Толуқ бәт