Marko rubiyo: xitay bir yalghanchi hökümet

Muxbirimiz jüme
2020-03-29
Élxet
Pikir
Share
Print
Amérika kéngesh palatasining ezasi marko rubyu ependi yighinda sözlimekte. 2019-Yili 4-aprél, washin'gton.
Amérika kéngesh palatasining ezasi marko rubyu ependi yighinda sözlimekte. 2019-Yili 4-aprél, washin'gton.
REUTERS

Amérikida korona wirusi bilen yuqumlan'ghanlarning sani 130 mingdin éship, bu jehette xitayning aldigha ötüp ketkenliki xewer qiliniwatqan shara'itta amérika awam palatasi ezasi marko rubiyo bayanat élan qilip, xitayning yuqumlan'ghuchilarning heqiqiy sanini mexpiy tutqanliqi, shunga bu heqtiki xewerlerni bek chaktin ashuruwétishke bolmaydighanliqini bildürdi.

U bu heqtiki qarashlirini sherhlep ötti we xitayning heqiqiy san mesilide yalghanchiliq qilghanliqini éytti.

U undaq dédi: "Birinchidin, xitay bir yalghanchi hökümet. Ular heqqi sanni yalghan éytti. Shunga heqiqiy sani hergiz bilelmeymiz. Ular bashtin-ayaq yalghan sözlidi. Ular ijtima'iy munasiwetkila ehmiyet bergechke yalghan éytidu. Ikkinchidin, ular bir mustebit hakimiyet. Shunga ular bir sheherge béripla uni eskerler bilen qorshap héchkimining kirip-chiqishigha qoymidi. Mundaqche éytqanda, ular özining bir shehirini muhasirige aldi. Emma biz bu dölette undaq qilmaymiz."

U yene, amérikaning nurghun nopusqa ige bir chong dölet ikenlikini, bu yerge dunyaning her yéridin ademler kélidighanliqi, yene nurghunlighan amérikaliqlarning dunyaning her qaysi jaylirida seper qilidighanliqi, shunglashqa nöwettiki wirus weziyitining ademni ensiritidighanliqini, emma shundaqtimu amérikida yolgha qoyulghan aldini élish tedbirlirini yuqum sani töwenligen'ge qeder dawam qilmisa bolmaydighanliqni éytti. 

U axirida kishilerni jiddiyliship ketmeslikke chaqirip mundaq dédi: "Hazir alaqzade bolup kétidighan waqit emes. Dewr bizni heriket qilishqa chaqiridu."

Toluq bet