Марко рубио: хитай һакимийити уйғурларға, башқа милләтләргә қарши ирқий қирғинчилиқ қилмақта

Мухбиримиз җүмә
2020-11-01
Елхәт
Пикир
Share
Принт
Америка кеңәш палатасиниң әзаси марко рубю әпәнди йиғинда сөзлимәктә. 2019-Йили 4-апрел, вашингтон.
Америка кеңәш палатасиниң әзаси марко рубю әпәнди йиғинда сөзлимәктә. 2019-Йили 4-апрел, вашингтон.
REUTERS

Америка кеңәш палатаси әзаси марко рубийо хитай һакимийитиниң уйғур вә башқа милләтләргә қилған муамилисини «ирқий қирғинчилиқ» дәп бекитиш қарар лайиһәсини қоллайдиғанлиқини билдүргән.

Америка кеңәш палата әзаси җон корнин бу һәптә кеңәш палата әзалиридин рубийо, җим рич вә боб менендезниң қоллишиға еришкән бир қарар лайиһәсини тонуштурған иди.

«Филорида күндилик хәвәрләр тори» ниң билдүрүшичә, рубийониң ишханиси бу һәқтә тохтилип мундақ көрсәткән: «қарар лайиһәси 1948-йилдики б д т ниң ирқий қирғинчилиқниң алдини елиш вә җазалаш әһдинамиси бойичә хитайни җавабкарлиққа тартишни тәләп қилиду вә хәлқараниң бирликтә инкас қайтуруп, бу зиянкәшликләрни тохтитишқа чақириду.»

Рубийо бу һәптә, хитай һөкүмити вә хитай компартийәсиниң уйғур вә башқа аз санлиқ милләтләргә қаритилған қәбиһ җинайи қилмишлириға аит дәлил-испатларниң күнсайин дөвилинип бериватқанлиқини, бу җинайәтләрниң маһийитини ениқ билишниң зөрүрлүкини билдүргән иди.

Боб менендезму «хитайниң уйғурларға қарши ирқий қирғинчилиқ қиливатқанлиқида шәк йоқ» лиқини билдүргән иди. 

Қарар лайиһәси кеңәш палатасиниң ташқи мунасивәтләр комитетиға әвәтилгән болуп, униң нөвәттики әһвали һазирчә намәлум.

Пикирләр (0)
Share
Толуқ бәт