Шиветсийә уйғур комитетиниң 10 йиллиқиға беғишлап мәдәнийәт күни вә муһакимә йиғини өткүзүлмәкчи

Ихтиярий мухбиримиз ялқун
2013-06-11
Елхәт
Пикир
Share
Принт
Талантлиқ музикант мәрһум күрәш көсән әпәндиниң радомизни 2006 - йили 4 - йанварда зийарәт қилғанда музика орундап қалдурған хатирә сүрити.
Талантлиқ музикант мәрһум күрәш көсән әпәндиниң радомизни 2006 - йили 4 - йанварда зийарәт қилғанда музика орундап қалдурған хатирә сүрити.
RFA Photo

Шиветсийә уйғур комитети күрәш күсәнниң тәшәббуси вә йетәклиши билән 2003-йили 6-айниң 22-күни стокһолумда қурулған сиясий тәшкилат болуп, шундин бери шиветсийәдә паалийәт қилип келиватмақта.

Шиветсийә уйғур комитети идарә һәйитиниң қарари вә шиветсийәдә яшаватқан җамаәт чоңлириниң тәшәббуси билән шиветсийә уйғур комитети қурулғанлиқиниң 10 йиллиқини сәнәт паалийити вә муһакимә йиғини уюштуруп тәбрикләш үчүн җиддий тәйярлиқ қилмақта.

Қутлуқлаш паалийити 6-айниң 15 вә 16-күнлири өткүзүлидиған болуп, қутлуқлаш паалийитигә америка, германийә, түркийә, белгийә, голландийә, норвегийә вә қазақистан қатарлиқ дөләтләрдин меһманлар тәклип қилинған.

Қутлуқлаш паалийитиниң сәнәт номурлирини қазақистанда көзгә көрүнгән « дияр» ансамбили үстигә алған.

Муһакимә йиғини қутлуқлаш паалийитиниң иккинчи күнигә орунлаштурулған болуп, буниңға дуня уйғур қурултийиниң рәиси рабийә қадир ханим, муавин рәис сейит түмтүрк, әсқәрҗан, иҗраийә комитетиниң рәиси долқун әйса, баш тәптиш нурмуһәммәт розиахун, қазақистандики көзгә көрүнгән сиясий паалийәтчи қәһриман ғоҗамбәрди вә башқа һәрқайси дөләтләрдин кәлгән меһманлар қатнишиду.

Хатириләш паалийитиниң мәқсити вә мәзмуни һәққидә техиму көп мәлуматқа игә болуш үчүн шиветсийә уйғур комитетиниң рәиси абдушүкүр самсақни зиярәт қилдуқ.

Абдушүкүр самсақниң билдүрүшичә хатириләш паалийитиниң йәнә бир муһим мәзмунлириниң бири шиветсийә уйғур комитетиниң қурулуши вә тәрәққий қилишида актип хизмәтләрдә болған күрәш күсән, әхмәт искәндәр вә сәнәвбәр қатарлиқ мәрһумларни әсләш вә уларниң роһиға атап хәтмә қуран қилиш икән.

Пикирләр (0)
Share
Толуқ бәт