Истанбулдики сутуқ буғрахан китабханисиниң тор бекити ечилди

Ихтиярий мухбиримиз арслан
2017-03-29
Елхәт
Пикир
Share
Принт
Истанбулдики сутуқ буғрахан китабханисиға тизилған китаблар.
Истанбулдики сутуқ буғрахан китабханисиға тизилған китаблар.
RFA/Arslan

Мәркизи истанбулниң зәйтинбурну райониға җайлашқан сутуқ буғрахан китабханиси, тор бекәт ечип китабларни торда елан қилишқа башлиди.

Сутуқ буғрахан китабханисида һазир уйғурларниң вәтини ичи вә чәтәлләрдә нәшр қилинған һәр хил темидики китаблардин 500 түрдин артуқ китаб болуп, бу китабларниң көпинчиси сутуқ буғрахан тор бекәттә тонуштурулуп елан қилинди. Тор бекәт бүгүн рәсмий елан қилинған болуп, тор бекәттә, тил-әдәбият, тарих, мәдәнийәт, сиясәт, пән-техника китаблири, әрәбчә, түркчә, уйғурчә, инглизчә луғәтләр, һәр хил темидики ислами китаблар вә өсмүрләрниң ана тилини өгиниши үчүн нәшр қилинған микро һекайиләрни өз ичигә алған 300 парчидин артуқ китаб қоюлған вә китабларниң ташқи муқависи, апторлири, нәшриятниң исимлири йезип тонуштурулған.

Тор адреси: http://sutuqbugrahan.com

Бу һәқтә сутуқ буғрахан китабханисиниң торида елан қилинған учурда мундақ дейилгән: « сутуқ буғрахан китабханисиниң рәсмий тор бети елан қилинди. Китабханидики көпинчә китабларни вә йеңи кәлгән китабларни тордин көрәләйсиләр, китабханиға келиш имканийити болмиған оқурмәнләр тор арқилиқ алақилишип заказ бәрсә китаб әвәтип берилиду. Китаб оқуп мәнивийитимизни бейитайли, тор адресини зиярәт қилиң. Оқумақчи болған китабларни сиз таллаң биз әвәтип берәйли.»

Биз бу һәқтә толуқ мәлуматқа игә болуш үчүн сутуқ буғрахан китабханисиниң мудири абдухелил абитоғли билән сөһбәт елип бардуқ. Абдухелил абитоғли, бу китабханидики көпинчә китаблар торда елан қилинған болуп, китабханиға келиш имканийити йоқ оқурмәнләргә китабларни тонуштуруш мәқситидә тор бекәткә чиқирип елан қилинғанлиқини билдүрди.

Пикирләр (0)
Share
Толуқ бәт