Қазақистандики уйғурлар миллий өрп-адәтлирини сақлап қелишқа тиришмақта

Ихтиярий мухбиримиз ойған
2015-01-28
Елхәт
Пикир
Share
Принт
Қазақистандики уйғурларниң миллий өрп-адәтлирини сақлап қелиш паалийитидин көрүнүш. 2015-Йили январ, алмата.
Қазақистандики уйғурларниң миллий өрп-адәтлирини сақлап қелиш паалийитидин көрүнүш. 2015-Йили январ, алмата.
RFA/Oyghan

Қазақистан уйғурлири өзлириниң тарихий вәтинидин үзүлүп турғиниға қаримастин, өтмүш тарихини, тилини, миллий өрп-адәтлирини сақлап қелиш йолида көплигән паалийәтләрни уюштурмақта.

Әлвәттә, буниң дөләт президенти нурсултан назарбайеф рәһбәрликидики қазақистан һөкүмитиниң милләтләр ара достлуқ, разимәнлик йөнилишидә йүргүзүватқан ички сиясити арқисида әмәлгә ешиватқанлиқи оттуриға қоюлмақта. Мәлуматларға қариғанда, қазақистанлиқлар 2015-йили қазақ ханлиқиниң 550 йиллиқини, қазақистан хәлқи ассамблейисиниң 20 йиллиқини, мәмликәт асасий қануниниң 20 йиллиқини нишанлашни пиланлиған болуп, шу мәқсәттә уйғурлар зич олтурақлашқан челәк тәвәсиниң юрт-җамаәтчилики баш қошуп, уйғурларниң атақлиқ шәхслирини яд етиш, миллий әнәнилирини тикләш, достлуқ вә разимәнлик қәдрийәтлирини тәшвиқ қилиш ишлирини йүргүзмәктә.

25-январда алмата вилайитиниң челәк тәвәсигә қарашлиқ қорам йезисида уйғурларниң миллий әнәнилиригә беғишлап өткүзүлгән мурасим шуниң ярқин бир испатидур. Мәзкур мурасимниң биринчи қисми мәрипәтчи, шаир вә җамаәт әрбаби, «җасарәт», «ақ терәк», «оюндин билимгә» қатарлиқ шеирий топламларниң аптори һебибуллам гайитофниң 80 йиллиқ тәвәллудиға беғишланди. Униңда әдибниң тәрҗимә һали вә иҗадийити тоғрилиқ доклат қилинғандин кейин, мәктәп оқуғучилири униң шеирлирини оқуди. Иккинчи бөлүмдә уйғурларниң миллий тойиға беғишланған көрүнүшләр орун алди.

Радиомиз зияритини қобул қилған қорам йезиси актиплириниң бири шаирә ташгүл һезиярова мәзкур мурасимниң мәқсити, әһмийити һәққидә өз қарашлирини оттуриға қойди.

Пикирләр (0)
Share
Толуқ бәт