En'giliye parlamént ezaliri teminlesh zenjiridiki Uyghur mejburiy emgek mesilisini tekshüridiken

Muxbirimiz jüme
2020-11-01
Élxet
Pikir
Share
Print
En'gliye parlaméntida échilghan yighindin körünüsh. 2020-Yili 18-mart, london.
En'gliye parlaméntida échilghan yighindin körünüsh. 2020-Yili 18-mart, london.
AFP

En'giliye parlamént ezaliri "Buhu" moda kéyim shirkiti qatarliq dangliq shirketlerning teminlesh zenjiride Uyghur mejburiy emgek küchlirini ishlitish mesilisi körülgen yaki körülmigenlikini tekshüridiken we bu heqte gwahliq bérish yighini chaqiridiken.

"Télégraf" gézitining xewer qilishiche, en'gliye parlaménti soda komitéti peyshenbe küni "Buhu" qatarliq en'gliye markiliri we en'gliyede soda qilidighan dangliq shirketler bilip-bilmey zulumgha uchrawatqan musulmanlar topining azab-oqubetlirini suyi'istémal qilghan bolushi mumkin, dep guman qilidighanliqini bildürgen.

Melum bolushiche, parlamént ezaliri "Amazon", "Buhu", "Gep", "Ikéya", "Nayké", "Wiktoriye mexpiyiti" qatarliq xitayda teminlesh zenjiri mewjut on nechche dangliq shirketlerdin aldinqi ayda yazma ispat tapshurushni telep qilghan. 

Soda komitétining konsérwatiplar partiyesidin bolghan ezasi nusrat ghéni mundaq dégen: "En'gliyede sétiliwatqan mehsulatlarning xitay lagérliridiki mejburiy emgekke baghlinidighanliqini a'it bir yürüsh inkaslar bar. Biz bu mesilining derijisining zadi qanchilik ikenlikini téximu éniq chüshinip yetmekchi."

En'gliyening sodigha mes'ul yuqiri derijilik emeldarliridin pa'ul skulliy we soda wazariti emgek bazirining diréktori maykél warrénmu guwahchilar tizimlikide bar iken.

Melum bolushiche, "Buhu" qatarliq bir nechche shirket özlirining teminlesh zenjirige munasiwetlik delil-ispatlarni en'gliye parlaméntigha tapshurghan we guwahliq bérish yighinigha qatnishidighanliqini bildürgen.

Toluq bet