Атақлиқ қирғиз өктичи рәһбири президент қурманбек бақийевни тәнқид қилди

2006-03-26
Елхәт
Пикир
Share
Принт

Әсқәр ақайев дәвридә қирғизистанниң хитайға йәр кәсип бәргәнлики билән ақайевқа қарши наразилиқ һәрикити қозғиған, кейин униң қолға елиниши билән бир қанчә адәмниң өлүши вә онлиған адәмниң яридар болушиниң келип чиқишиға мунасивәтлик тарихий вәқәдә техиму нами чиққан қирғизистан өктичи рәһбири азимбек назаров йеқинда мухбирларға баянат елан қилип, президент қурманбек бақийевни тәнқид қилди.

Оттура асиядики пәрғанә.Ру агентлиқиниң учуридин қариғанда, "қирғизистан" сиясий һәрикитиниң рәһбири азимбек бек назароп," қурман бек бақийев рәһбәрликидики йеңи һөкүмәт көплигән хаталиқларни садир қиливатиду. Буниң әң муһими ақайев системисиға нисбәтән һәл қилғуч чарә қолланмиғанлиқидур" дегән.

Азимбек бек назароп йәнә президент қурмабек бақийев һөкүмитини таки һазирғичә уларниг русийә һөкүмидин әсқәр ақайевни қайтуруп беришни тәләп қилмиғанлиқ һәмдә ақайев аилисиниң җинайи қилмишлири һәққидә қарар чиқирип, уларни җазалимиғанлиқ билән тәнқид қилған.

Азимбек бек назароп йеңи һөкүмәт қурулғанда, қирғизистан баш тәптиши болған, әмма кейин туюсиздинла хизмитидин қалдуриветилгән иди. У әсқәр ақайев дәвридә террорлуқ билән әйиблинип, түрмигә ташланған уйғурларниң делосини җүмлидин үч йил илгирики наринда йүз бәргән қәшқәргә қарап маңған аптобус билән адәмләрниң көйдүрүлүш вәқәлирини ениқлайдиғанлиқини билдүргән икән. (Үмидвар)

Пикирләр (0)
Share
Толуқ бәт