Иссиқ көл астидин қәдимки мәдәнийәт излири тепилди

2007-12-30
Елхәт
Пикир
Share
Принт

Русийә-қирғизистан алимлири иссиқ көл астини узун мәзгил тәкшүргән болуп, 2007- йилидики тәкшүрүш нәтиҗисидә көл астидин 2500 йил илгирики инсанлар мәдәнийәт излирини тепип, иссиқ көл райониниң мәзкур мәдәнийитиниң әһмийәт җәһәттә шималий қара деңиз бойлиридики вә оттура йәр деңизи қирғақлиридики мисир мәдәнийәтлиридин қелишмайдиғанлиқини һөкүм қилишти.

Русийиниң хәвәрләр агентлиқиниң тарқатқан учуридин қариғанда, иссиқ көл астидики бу мәдәнийәтни издәшкә қатнашқан николай лукашев юқиридики учурни мәлум қилған. Бу қетимқи тәкшүрүш паалийитигә қирғизистан пәнләр академийисиниң муавин башлиқи владимир плоских вә русийә алимлиридин светлана лукашеваниң башчилиқида русийә су асти паалийәтлири елип барғучилар җәмийитиниң бир қисим әзалири қатнашқан. Ғәвваслар көл астиға қайта -қайта чөкүп, көл астини тәтқиқ қилип, қәдимки мәдәнийәт пакитлирини издиди.

Улар иссиқ көлниң шималий қирғақлирида 5 метирдин 10 метирғичә болған ус астидин узунлуқи йерим километирға созулған сепилниң изини тапқан. Бу чоң бир шәһәрниң бәлгиси болуп, даириси бир қанчә квадрат километир келиду. Көлниң астидин яхши сақланған сак дәвригә мәнсуп, буюмлар тепилған. Булар мистин ясалған һәр хил буюмлар, оқя, өзини қоғдашқа ишлитидиған хәнҗәр вә башқилардур. Һазирғичә көл астидин он нәччә қәлә вә аһалә понкитлири харабиси тепилған.

юқиридики су астиға чөкүп кәткән мәдәнийәт излириниң һәммиси иссиқ көлниң шималий қирғақлириға йеқин болуп, бу йәрдики хәлқләр арисидиму иссиқ көлниң астида чөкүп кәткән шәһәрләр барлиқи һәққидики түрлүк ривайәтләр мәвҗут икән. (Үмидвар)

Пикирләр (0)
Share
Толуқ бәт