Atasu - alataw néfit turubisida dékabirdin bashlap néfit éqitilishqa bashlaydu

2005-07-07
Élxet
Pikir
Share
Print

Qazaqistan prézidénti nursultan nezerbayéwning ashkarilishiche, qazaqistan bilen Uyghur aptonom rayoni otturisidiki atasu - alataw néfit turubisida, bu yil 16 - dékabirdin bashlap néfit éqitilishqa bashlaydiken. Nezerbayéw bu xewerni, xitay dölet re'isi xu jintaw yéqinda qazaqistanni ziyaret qilghanda uning bilen birge ötküzgen muxbirlarni kütüwélish yighinida ashkarilighan.

1000 Kilométir uzunluqtiki atasu - alataw néfit turubisi qazaqistanning ottura qismidiki atasudin bashlinip, alataw éghizi arqiliq Uyghur aptonom rayonining maytagh rayonighiche baridu.

Mezkur qurulushqa 700 milyon dollar meblegh sélin'ghan. Bu qurulush xitayning ottura asiya elliridin néfit we tebi'iy gazgha érishish istratégiyisining bir qisimi. Mezkur qurulush axirlashqanda yiligha 10 milyon tonna néfit éqidiken. Xitay hökümiti bu sanni 2008 - yilgha barghanda 20 milyon'gha chiqirishni pilanlimaqta. Bu arida dölet igilikidiki jonggo néfit shirkiti, qazaqistan néfit tebi'iy gaz shirkiti munaygaz bilen ikki dölet arisida atasu- alataw néfit turubisigha yandash tebi'iy gaz turubisi yatquzush mesilisini muzakire qilmaqtiken. (Erkin)

Pikirler (0)
Share
Toluq bet