Xitay özbékistanning téléfon alaqe shirkitining pay chékini sétiwalmaqchi

2005-08-07
Élxet
Pikir
Share
Print

"Özbékistan téléfon alaqe hessidarliq shirkiti" ning uchurigha asaslan'ghanda, xitayning döletlik téléfon alaqisi shirkiti "china mobil" ning bir wekiller ömiki tashkentni ziyaret qilip, özbékistan döletlik téléfon alaqe hessidarliq shirkitining 49٪ pay chékini sétiwélish heqqide özbékistan terep bilen söhbet ötküzgen.

Xitay boyiche eng chong alaqilishish shirkiti hésablinidighan "china mobil" ning mu'awin bashliqi tang zong rehberlikidiki bu wekiller ömiki özbékistan terep bilen téléfon alaqe ishliri boyiche hemkarliqni kücheytish, özbékistanning mezkur sahesining tereqqiyatigha yardem bérish we bashqa terepler boyiche pikir almashturup, ortaq nuqtigha kelgen.

Xewerlerge qarighanda bu islam kerimop, xitayni ziyaret qilghandin kéyinki 2 ay ichide, xitaydin kelgen 4-türkümdiki yuqiri salahiyetlik ziyaret ömiki bolup hésablinidiken.

Xitay yene özbékistan bilen énérgiye sahesidiki hemkarliqni kücheytish hemde soda munasiwetlirini kéngeytish heqqidimu kélishim tüzgen idi. (Ümidwar)

Pikirler (0)
Share
Toluq bet