Qazaqistan bash teptish idarisi qazaqistanda pa'aliyiti cheklen'gen teshkilatlarning tizimlikini élan qildi

2006-10-13
Élxet
Pikir
Share
Print

Qazaqistan bash teptish idarisi 10‏-ayning 12‏- küni qazaqistanda pa'aliyiti cheklen'gen 12 teshkilatning tézimlikini élan qildi. Mezkur teshkilatlar térrorluq pa'aliyiti bilen shughullan'ghan dep eyiblen'gen.

Qazaqistan aliy sotining qarari bilen qazaqistan térritoriyiside pa'aliyet élip bérishi cheklen'gen 12 teshkilatning asasliq qisimi ottura asiya döletliride pa'aliyet élip bériwatqan milliy we diniy heriketler bolup, ular özbékistan islamiy herikiti, hizbu tehrir, ottura asiya mujahitlar jama'iti we sherqiy türkistan islamiy herikiti qatarliq teshkilatlarni öz ichige alidu.

Qazaqistan bash teptish idarisining bayanatida, kurd milliy qurultiyi, boz qurtlar herikiti, merkizi pakistandiki leshkeri tayibe, mezkizi koweyttiki ijtima'iy islahat jem'iyiti, elqa'ide teshkilati we talibanlar qatarliq teshkilat we heriketlerningmu qazaqistan zéminda pa'aliyet élip bérishi, qazaqistan puqralirining mezkur teshkilatlargha eza bolushi, bu teshkilatlarning pa'aliyitige qatnishishi hemde bu teshkilatlar we heriketler bilen alaqe qurushining cheklen'genliki tekitlen'gen. (Qanat)

Pikirler (0)
Share
Toluq bet