Қирғизистан баш минстири җинай гуруппиларға қарши күрәшни күчәйтишкә чақирди

2006-02-01
Елхәт
Пикир
Share
Принт

Қирғизистанда үзлүксиз давамлишиватқан җинайи паалийәтләр вә наразилиқ һәрикәтлири қирғизистан хәлқини биарам қиливатиду. Қирғизистан хәлқи һөкүмәттин җинайи гуруппиларға қарши җиддий тәдбир елишини тәләп қилмақта. Лекин һөкүмәт иқтисадий қийинчилиқлар түпәйлидин тәдбир қоллиништа чарисиз қалмақта.

Қирғизистан баш минстири филикс қолоф, 1‏- феврал күни қирғизистан сақчилириға, җамаәт хәвпсизликигә тәһдит қиливатқан тәшкиллик җинайәт паалийәтлиригә қарши күришини күчәйтиши һәққидә буйруқ бәрди.

Филикс қолоф, бешкәктә қирғизистан сақчи идарилириниң офитсерлири билән өткүзгән учришишида, бихәтәрлик органлириниң асаслиқ вәзиписи, җинайи гуруппиларни җинайи нийәтлиридин ваз кәчүридиған керәклик тәдбирләрни елиштин ибарәт. Җинайи гуруппиларни бөлүп- парчилап, уларни қанун бойичә адаләткә тәслим қилиш арқилиқ, бу җинайи гуруппиларни бич чит қилиңлар, дегән.

Лекин, америка бирләшмә агентлиқиниң хәвәр қилишичә, һөкүмәттин бихәтәрлик органлириға аҗратқан пул миқдарини көпәйтишини тәләп қилған қирғизистан ички ишлар минстири мурат суталиноф, биз бикарға ишлимәймиз. Мән офитсерлиримини әллик доллар мааш үчүн бандитларниң оқлириға көкрәк керишкә мәҗбур қилалмаймән, дегән.

Қирғизистанда җинайи гуруппиларниң паалийәтлириниң көпийишигә әгишип, һөкүмәт ичидики ихтилапларму күчәймәктә. Һөкүмәт ичидики бәзи әмәлдарларниң һәтта баш министириниң буйруқлириға писәнт қилмайдиған әһваллар көрүлмәктә. (Қанат)

Пикирләр (0)
Share
Толуқ бәт