Qirghizistan bash minstiri jinay guruppilargha qarshi küreshni kücheytishke chaqirdi

2006-02-01
Élxet
Pikir
Share
Print

Qirghizistanda üzlüksiz dawamlishiwatqan jinayi pa'aliyetler we naraziliq heriketliri qirghizistan xelqini bi'aram qiliwatidu. Qirghizistan xelqi hökümettin jinayi guruppilargha qarshi jiddiy tedbir élishini telep qilmaqta. Lékin hökümet iqtisadiy qiyinchiliqlar tüpeylidin tedbir qollinishta charisiz qalmaqta.

Qirghizistan bash minstiri filiks qolof, 1‏- féwral küni qirghizistan saqchilirigha, jama'et xewpsizlikige tehdit qiliwatqan teshkillik jinayet pa'aliyetlirige qarshi kürishini kücheytishi heqqide buyruq berdi.

Filiks qolof, béshkekte qirghizistan saqchi idarilirining ofitsérliri bilen ötküzgen uchrishishida, bixeterlik organlirining asasliq wezipisi, jinayi guruppilarni jinayi niyetliridin waz kechüridighan kéreklik tedbirlerni élishtin ibaret. Jinayi guruppilarni bölüp- parchilap, ularni qanun boyiche adaletke teslim qilish arqiliq, bu jinayi guruppilarni bich chit qilinglar, dégen.

Lékin, amérika birleshme agéntliqining xewer qilishiche, hökümettin bixeterlik organlirigha ajratqan pul miqdarini köpeytishini telep qilghan qirghizistan ichki ishlar minstiri murat sutalinof, biz bikargha ishlimeymiz. Men ofitsérlirimini ellik dollar ma'ash üchün banditlarning oqlirigha kökrek kérishke mejbur qilalmaymen, dégen.

Qirghizistanda jinayi guruppilarning pa'aliyetlirining köpiyishige egiship, hökümet ichidiki ixtilaplarmu kücheymekte. Hökümet ichidiki bezi emeldarlarning hetta bash ministirining buyruqlirigha pisent qilmaydighan ehwallar körülmekte. (Qanat)

Pikirler (0)
Share
Toluq bet