Бақийев, қирғизистан парламентиниң рәиси билән болған күрәштә ғәлибәқилди

2006-02-14
Елхәт
Пикир
Share
Принт

Қирғизистан парламент рәиси өмүрбәг тәкәбайев, президент қурманбәг бақийев билән болған талаш - тартиштин кейин, сәйшәнбә күни вәзиписидин истипа бәргәнликини елан қилди. Қирғизистанда парламент башлиқи билән президент арисидики тиркишиш бақийевниң 3 - феврал күни қирғизистан парламентида, өмүрбәг тәкәбайев вә қирғизистан парламент әзалирини " қорчақлар, яғач қорчақ оюнчилири " дәп әйиблигәндин кейин җиддийлишишкә башлиған. Болупму бақийев тәкәбайевни алаһидә тилға елип, һоқуқни манапол қилишқа урунуш билән әйиблигән. У, " дөләтни парламент түзүмидики сестимиға өзгәртсә, немиләр йүз беридиғанлиқини ойлаш кишини чөчитиду " дәп тәкитлигән иди.

Әмма қирғизистан парламентиниң көп қисим әзалири президентниң тәнқидини тоғра тапмиған. Тәкәбайев, бақийевниң тәнқидигә шиддәтлик инкас қайтуруп, президент бақийев , ақайев садир қилған хаталиқларни тәкрарлаватиду, дәп һуҗум қилған. У, президентни оғрилиқ вә хиянәтчиликни кеңәйтиветиш, парламент чиқарған қанунларни ақситиш билән әйиблигән. Тәкәбайев билән биргә парламентниң муавин рәислири болат шерниязов, әркин алимбековлар истипа бәрди.

3 ‏- Февралдики вәқә 9 ‏- феврал күни чақирилидиған қирғизистан дөләт хәвпсизлик комитетиниң йиғиниға тәсир қилған. Бақийев әгәр йиғинға тәкәбайев қатнашса, өзиниң қатнашмайдиғанлиқини билдүргән. Әмма тәкәбайев бақийевниң сөзлиригә қулақ салмиған. Йиғинда тәкәбайев билән президент ишханисиниң мудири усән сидиқов тиркишип қалған иди. Тәкәбайев, 2005 - йили баһарда йүз бәргән бешкәк инқилабидамуһим рол ойниған шәхсләрниң бири. (Әркин)

Пикирләр (0)
Share
Толуқ бәт