Baqiyéw, qirghizistan parlaméntining re'isi bilen bolghan küreshte ghelibeqildi

2006-02-14
Élxet
Pikir
Share
Print

Qirghizistan parlamént re'isi ömürbeg tekebayéw, prézidént qurmanbeg baqiyéw bilen bolghan talash - tartishtin kéyin, seyshenbe küni wezipisidin istipa bergenlikini élan qildi. Qirghizistanda parlamént bashliqi bilen prézidént arisidiki tirkishish baqiyéwning 3 - féwral küni qirghizistan parlaméntida, ömürbeg tekebayéw we qirghizistan parlamént ezalirini " qorchaqlar, yaghach qorchaq oyunchiliri " dep eyibligendin kéyin jiddiylishishke bashlighan. Bolupmu baqiyéw tekebayéwni alahide tilgha élip, hoquqni manapol qilishqa urunush bilen eyibligen. U, " döletni parlamént tüzümidiki séstimigha özgertse, némiler yüz béridighanliqini oylash kishini chöchitidu " dep tekitligen idi.

Emma qirghizistan parlaméntining köp qisim ezaliri prézidéntning tenqidini toghra tapmighan. Tekebayéw, baqiyéwning tenqidige shiddetlik inkas qayturup, prézidént baqiyéw , aqayéw sadir qilghan xataliqlarni tekrarlawatidu, dep hujum qilghan. U, prézidéntni oghriliq we xiyanetchilikni kéngeytiwétish, parlamént chiqarghan qanunlarni aqsitish bilen eyibligen. Tekebayéw bilen birge parlaméntning mu'awin re'isliri bolat shérniyazow, erkin alimbékowlar istipa berdi.

3 ‏- Féwraldiki weqe 9 ‏- féwral küni chaqirilidighan qirghizistan dölet xewpsizlik komitétining yighinigha tesir qilghan. Baqiyéw eger yighin'gha tekebayéw qatnashsa, özining qatnashmaydighanliqini bildürgen. Emma tekebayéw baqiyéwning sözlirige qulaq salmighan. Yighinda tekebayéw bilen prézidént ishxanisining mudiri usen sidiqow tirkiship qalghan idi. Tekebayéw, 2005 - yili baharda yüz bergen béshkek inqilabidamuhim rol oynighan shexslerning biri. (Erkin)

Pikirler (0)
Share
Toluq bet